Поликарпова Евдокия Михайловна

Поликарпова Евдокия Михайловна — саха литэрэтиирэтин орто оскуолаҕа үөрэтиигэ мэтэдиис учуонай, педагогика билимин дуоктара, бэрэпиэссэр, РСФСР норуотун үөрэҕириитин туйгуна, СӨ үөрэҕириитин үтүөлээх үлэһитэ.

1950 сыллаахха тохсунньу 1 күнүгэр Ньурба улууһун Акана нэһилиэгэр төрөөбүтэ.

СГУ устуоруйа-филология факультетын саха салаатын 1976 сыллаахха бүтэрбитэ. 1980 сыллаахтан балыс билим үлэһитинэн РСФСР олохтоох оскуолаларын НИИ-тин Саха сиринээҕи филиалыгар үлэлээбитэ.

2000 сыллаахха Москубатааҕы педагогика университетын анал сэбиэтигэр дуоктар диссэртээссийэтин көмүскээбитэ.

Саха литэрэтиирэтин орто оскуолаҕа үөрэтии программаларын, учуобунньуктары суруйбута уонна хрестоматиялары бэлэмнээбитэ, үрдүк үөрэххэ саха литэрэтиирэтин учуобунньуктарын ааптара.

Кини салалтатынан саха литэрэтиирэтин үөрэтиигэ хандьыдаат диссэртээссийэлэрэ көмүскэнэллэр. ХИФУ-га Саха тылын, литэрэтиирэтин уонна саха култууратын үөрэтии мэтиэдикэтин үөрэтии хаапыдыратын сэбиэдиссэйэ