«Тас сахалар» — Саха омуга былыр былыргыттан онон-манан тарҕанан, сирдэри баһылаан, тыаны солоон, ходуһа-мэччирэҥ оҥостон, булду-алды батыһан ханна-ханна тиийбэтэҕэ баарай. Сахалыы тыыннаах, сахалыы саҥарар дьоммут билиҥҥи Саха сирин кыраныыссатын таһыгар былыр былыргыттан олохсуйан хаалбыта устуоруйа чахчыта. Бу дьон сороҕо XVII үйэҕэ, сороҕо хойут даҕаны киин Саха сириттэн көһөн барбыт дьоннор сыдьааннара дииллэр. Оттон сорох чинчийээччилэр этэллэринэн саха төрүттэрэ манна көһөн иһэн сорҕолоро кэлэн иһэр сирдэригэр хаалан хаалбыттар. Тугун ханныгын билиҥҥи ноуука чопчулаабат эрээри — бу дьиҥ сахалыы тыыннаах, бэйэлээтэр бэйэбит дьоммут.
«Тас сахалар» портаал бу дьон туһунан билиини биэрэр Бикипиэдьийэ иһинэн үлэни сүрүннүүр-түмэр соруктаах. Кыттыҥ, суруйуҥ, тупсарыҥ, көмө буолуҥ!
_2.jpg){kind=link}