Романов Николай Петрович (1956)

Романов Николай Петрович (24.05.1956 с.т.) - тырахтарыыс, биригэдьиир, СӨ тытатын хаһаайыстыбатын үтүөлээх үлэһитэ, Дьаҥхаады нэһилиэгин Ытык киһитэ.

Мэҥэ Хаҥалас улууһун Суола Мэлдьэхситигэр төрөөбүтэ. 1973с. Төхтүр орто оскуолатын бүтэрбитэ. 1973 сыллаахтан «Герой Попов» совхозка Төхтүр отделениетыгар хортуоппуй звенотугар трактористыыр. Эталоннай гектар былааннарын аһарар, уматыгы кэмчилиир.

1978-1987 сс. хортуоппуй звенотун бригадира. Гектартан муҥутаан 105ц. ылбыттара. 1987-1997 сс. бурдук звенотын салайбыта, трактористаабыта. 700 га иэннээх бурдук бааһыналарыгар эбиэс, нэчимиэн, сэлиэһинэй ыһаллара. 20-30 ц. үүнүүнү хомуйаллар.

Н.П.Романов салалтатынан бурдук үүннэриигэ «Төхтүрдээҕи народнай предприятие» тэриллэр. Наставник-агрономунан опыттаах Е.В.Яковлев кэлбитэ. Кини Ийэ сиргэ чахчы ийэлии сыһыаннаһара. А.Н.Попов – агроном. В.П.Романов, И.Н.Максимов – тракторист комбайнердар. 1993с. XX-с үйэ историятыгар киирбит Н.П.Романов чыпчаал көрдөрүүтэ ситиһиллибитэ. Онно этиллибитэ: «Төхтүрдээҕи народнай предприятие бурдук үүннэрэр звенотун салайааччыта Николай Петрович Романов 1993 сыллаахха 65 гаттан хас биирдиититтэн 36-лыы центнер үүнүүнү ылбыта». Кини аата XX-с үйэ историятыгар бигэтик киирбитэ.

Н.П.Романов тракторист идэтин таһынан сварщик. Соломо кэбиһэр агрегаты айан оҥорбута. Техникатын бэйэтэ ремоннуур, дьаһайар.

1979с. – ССКП членэ. 2000 сылтан Төхтүр баһаарынай чааһыгар караул начальнига. 2004-2008 сс. - И.М.Романов аатынан Төхтүр орто оскуолатыгар массыынаны ыытыы инструктора. 2008 сылтан И.М.Романов аатынан Төхтүр орто уопсай үөрэх оскуолатын директорын административнай-хаһаайыстыбаннай чааска солбуйааччынан үлэлиир. Бастыҥ общественник, спортсмен. 1995с. дуобакка маастарга кандидат.

Наградалара:

-Знак «Победитель соцсоревнований». 1976с., 1977сс. -Ударник коммунистического труда. 1979с. -Знак «За вклад в развитие сельского хозяйства». 2008с. -Ветеран сельского хозяйства РС(Я). 2010с. -Почетный гражданин Жанхадинского наслега. 2011с. -СР Тыатын хаһаайыстыбатын үтүөлээх үлэһитэ. 2012с. -Знак «Рекордсмен XX-го столетия». 12.06.2015с. -Знак «Год физической культуры и спорта – 2016г.». 2016с.

Литература:

«Саха сирэ» хаһыат. «Чыпчаал ситиһиилээх үлэһит». Автор П.Нилов.
«Ленинскэй знамя» хаһыат. «Анал звено тэрийдэллэр». Автор Н.Романов. 05.02.1981с.
Плакат «XX-с үйэ чулуу көрдөрүүлэрэ».