Русаков Григорий Яковлевич

Русаков Григорий Яковлевич — Аҕа дойду Улуу сэриитин кыттыылааҕа.

1905 сыллаахха төрөөбүтэ. Аармыйаҕа барыан иннинэ Чульман бөһүөлэккэ олорбута. Гвардия младшай сержаана, 30 гвардейскай стрелковай дивизия 94-с гвардейскай стрелковай полкатын наводчига. Кыһыл Сулус уордьанынан наҕараадаламмыта. 1944 сыллаахха балаҕан ыйын 25 күнүгэр дьоруойдуу өлбүтэ. Латвияҕа, Рига оройуонун Энены сэлиэнньэтигэр көмүллүбүтэ. Оҕолоругар уонна кэргэнигэр суругар 3 харчы перевода ыыппытын туһунан суруйбут. Туйгуннук үөрэниҥ, утуйар кэмҥэ утуйа сатааҥ, онноҕор биһиги снаряд тыаһын быыһыгар утуйабыт диэбит.