Саха сиринээҕи култуура үлэһиттэрин сийиэстэрэ

Саха сиринээҕи култуура үлэһиттэрин сийиэстэрэ - 1950-с сыллар бүтүүлэригэр былаас култуура үлэһиттэрин түмэргэ, иитэр үлэлэрин күүһүрдэргэ, нэһилиэнньэ култуураҕа тардыһыытыгар, көрдөбүллэрэ үрдээбитигэр сөп түбэһэргэ анаан сөп буола-буола улахан мунньахтары - сийиэстэри - ыҥырарга быһаарыы ылбыта.

Бу сийиэстэргэ култуура уонна ускуустуба сайдыытын хаамыылара, тирээн турар кыһалҕалар туһунан кэпсэтэллэрэ. Култуура тэрилтэлэрин бэрэстэбиитэллэрэ уонна оройуоннар (улуустар) култуураҕа салалталара бэйэлэрин этиилэрин киллэрэллэрэ, көрдөһүүлэрин тиксэрэллэрэ.

Бастакы 6 сийиэс сэбиэскэй кэмҥэ буолбута. Сэттис, бүтэһик сийиэс 2004 сыллаахха:

I сийиэс - 1959 с. II сийиэс - 1963 с. III сийиэс - 1967 с. IV сийиэс - 1973 с. V сийиэс - 1978 с. VI сийиэс - 1984 с. VII сийиэс - 2004 с.