Саһаан Баһылай

Василий Петрович Скрябин — Саһаан Баһылай (1896—1970) Мэҥэ Хаҥаласка күүстээҕинэн биллибит киһи. Алтаҥҥа олорон өлбүтэ.

Көбүс-көнө уҥуохтаах, иһэ- үөһэ суох биир тэҥ толору киэптээх-таһаалаах, 194—196 см үрдүктээх, центнертэн лаппа ордук ыйааһыннаах, дьэ кырдьык, киһи хараҕа туолар саха саарына этэ. Ырыаһыт Ольга Ивановна-Сидоркевич аҕатынаан биллээхтиилэр иккиэн Чурапчы Хайахсытыгар Тэлбэрэх алааска олохтоох, кэпсээҥҥэ киирбит алта кэрэ кыргыттардаах Атыыһыт Арамаан-Роман Трофимов күтүөттэрэ.

Бөтүрээ Иванов кэргэнэ Биэрэ олус ырыаһыт дьахтар эбитэ үһү. Ольга Петровна арааһа ийэтин удьуордаатаҕа. Аны кини эбэтэ Боккуойа Сарбынньаҕынан, Хассыганынан, Сатаҕай саһылын фермата турбут сиринэн ууһаан-тэнийэн олорбут Скрябиннар балтылара этэ. Бу бырааттыы Скрябиннар-Хоруо Сэмэн, Маччыаха Баһылай, Саттаах Бүөтүр — балтыларыгар Боккуойаҕа Соморсун Арыылааҕар киирэн чугаһынан тэҥнээҕэ суох муннуктуу охсуулаах сүүнэдьиэ тутан биэрбиггэр. Ону гражданскай сэрии сылларыгар кыһыллар уоттаан кэбиспиттэрин, иккистээн киирэн аны уу сахалыы дьикти үчүгэй ала балаҕан туппуттар. Бырааттыылартан сэниэлээхтэрэ бэйэтэ миэлиҥсэлээх Маччыаха Баһылай этэ. Саһаан Баһылай кини быраатын Петр Игнатьевич Скрябин-Саттаах Бүөтүр (1877—1950) уола. Олоҕо Сатаҕай урукку саһылын ферматын онно.

Үлэ, сэрии ветерана К. А. Яковлев ахтыыларыттан.