Семенова Валентина Григорьевна

Семенова Валентина Григорьевна — саха литэрэтиирэтин устуоруйатын, Алампа айар үлэтин, саха дырааматын уонна тыйаатырын чинчийэр учуонай.

1963 сыллаахха бэс ыйын 12 күнүгэр Бүлүү куоратыгар төрөөбүтэ. 1980 с. Чернышевскай орто оскуолатын бүтэрбитэ. 1980-1982 сс. Степан Аржаков аатынан сопхуоска үлэлээбитэ. 1982-87 сс. СГУ саха салаатыгар үөрэммитэ. Үөһээ Бүлүү уонна Бүлүү оскуолаларыгар учууталлаабыта. 1993 сыллаахтан СГУ-га (кэлин ХИФУ) үлэлиир. 1999 с. «Анемподист Софронов бэйиэсийэтин эйгэтэ» хандбыдаат диссэртээссийэтин көмүскээбитэ. Университекка саха литэрэтиирэтин устуоруйатын уонна түөрүйэтин куурустарын ааҕар. 2009 сылтан саха литэрэтиирэтин хаапыдыратын сэбиэдиссэйинэн талыллыбыта. 2019 сыллаахха "А.И. Софронов-Алампаны саха литэрэтиирэтэ үөскүүрүн уонна атаҕар туруутун өттүттэн көрүү" диэн тиэмэҕэ дуоктар диссэртээссийэтин көмүскээбитэ.

Наҕараадалара:

СӨ култууратын үтүөлээх үлэһитэ (2011), СӨ култууратын туйгуна. СӨ вице-бэрэсидьиэнин, СӨ наукатын уонна идэлээх үөрэхтээһинин министиэристибэтин, Дьокуускай куорат дьаһалтатын бочуоттаах кырааматаларынан наҕараадаламмыта[1].

БыһаарыыларПравить