Сивцев Виктор Иннокентьевич
Сивцев Виктор Иннокентьевич — Аҕа дойду Улуу сэриитин кыттыылааҕа.
1916 сыллаахха төрөөбүт. Нам улууһун Ленскэй нэһилиэгиттэн төрүттээх. 1941 сыллаахха от ыйыгар Дьокуускай военкоматынан ыҥырыллыбыт. 1944 сыл атырдьах ыйыгар сураҕа суох сүппүтүнэн ааҕыллыбыт.[1]
Москуба анныттан саҕалаан өстөөҕү кытта кыргыһа-кыргыһа Литва сиригэр тиийбит. «Өлбөөдүйбэт үйэ аҥаара» кинигэҕэ сурулларынан, үгүс хорсун быһыылары оҥорбут. Сэрии толоонуттан эргиллибэтэх. 1942 с. тохсунньутугар суруйбут суругар снайпер куурсугар үөрэнэ сылдьабын, отделение хамандыырабын диэбит. Кулун тутарга иккистээн бааһырбытын туһунан суруйбут. Онтон биир сыл буолан баран эмиэ кулун тутарга хаҥас харахпар бааһырдым, таас харах баҕар уктарыам диэбит. 1944 сыллаахха бэс ыйын 3 күнүгэр суруйбут суругар: «Ийээ, олус да мин чааспар муучу буолаҕын, ол курдук мин түүлбэр куруук бааргын» — диэбит. Арааһа эмиэ передовойга сылдьыбыт быһыылаах, баҕар бу сырыыга санитарынан буолуо, олунньуга суруйбут суругар үөрэнэбин, өлбүт киһини эппэрээсийэлиибит диэбит эбит. Суруктара Нам түмэлигэр харалла сыталлар.[2]
Быһаарыылар
уларыт- ↑ Информация в электронном банке документов ОБД «Мемориал»
- ↑ М. Г. Старостин. Өлбөөдүйбэт үйэ аҥаара. — Дь.: Бичик, 1995.