Сүрүн мөнүүнү арый
Сербия норуотун ойуулаах устуоруйата кинигэттэн, Вена, 1885

Скандербег эбэтэр Георгий Кастриоти (алб. Gjergj Kastrioti Skënderbeu; 6 ыам ыйа 1405(14050506)17 тохсунньу 1468) — Кастриоти кинээчистибэ салайааччыта (1443—1468), османнары утары охсуһуу баһылыга, Албания национальнай геройа.

Сэтинньи 3 күнүгэр 1443 сыллаахха венгерскай полководец Янош Хуньяди туроктартан Ниш куораты босхолообутун кэннэ, Скандербег исламтан туораабыт уонна христианство итэҕэлин ылыммыт, ол кэннэ 300 аттаах буойуннары кытта туурактар лааҕырдарыттан куоппут. Дибру куоракка кэлэн, Албания босхолонорун иһин бастааньаҕа ыҥырбыт. Хас да хонон баран Скандербег Круяҕа киирбит уонна сэтинньи ый 28 күнүгэр албаннар кырдьаҕастара кинини Кастриоти кинээчистибэ баһылыгынан анаабыттар. Сотору буолан баран Хара Дринаҕа туроктары үлтү сынньыбыт уонна Венгрияны кытта эйэни олохтоон , Мурада II Албания Круя куоратын босхолуурга күһэйбит.

1444 сылга Венеция уонна Албания кинээстэрин кытта байыаннай- политическай сүбэлэҥ ылан Хотугу Албанияҕа партизанскай сэриини саҕалаабыт. Улахан кыайыыларын 1449 уонна 1451 сылларга ылбыт. Султан Мехмеду II кыайан 1453 сыллаахха Албанияҕа эйэни түһэрсибит.

1461 с. Скандербегы султан (падишах) Мехмед II диэн ааттаабыттар уонна Албания салайааччытынан анаабыттар. Неаполитанскай хоруол Фердинанд I Георгий Кастриотига герцог Сан-Пьетро титулун анаабыт Рене Анжуйскай утары көмөтүн иһин. 1463 сыллаахха Скандербег папа Пий II алҕаабытынан осмааннары кытта эйэни быспыт уонна өссө улахан хоромньуну осмааннарга оҥорбут.

1468 сыллаахха кини кумахыттан (малярияттан) өлбүт. Кини өлбүтүн кэннэ Албанскай суверенитет эмиэ өлбүтүнэн ааҕыллар эбит.