Сытыган чэмкиниэр

Сытыган чэмкиниэр (нууч. Василистник вонючий, лат. Thalictrum foetidum) – элбэх сыллаах үүнээйи.

Василистник (лат. Thalictrum foetidum )

Морфологията

60-70см үрдүктээх элбэх сыллаах үүнээйи, сытыары уһун силиргэхтээх уонна элбэх синньигэс силистэрдээх. Көнө от күөх умнастаах, аллараатыгар хара саарыл өҥнөөх. Элбэх саһархайдыҥы сибэккилэрэ умнаһын төбөтүгэр туураларга тарҕана олороллор. Бытархай сэбирдэхтэрэ үс муннуктуу быһыылаахтар. Олус сытыы куһаҕан сыттаах. Дьааттаах үүнээйилэргэ киирсэр.

Отоно

Уһун синньигэс, адыгырас, ойоҕоһо ыгыллыбыт, олорбут сиэмэ отонноох.

Үүнэр сирэ

Евроазиатскай коруҥ. Бэс ыйын, от ыйын бутэһигэр үүнээр. Мезофит, ксерофит. Алаас, тиит ойуурун кытыытыгар үүнэр.

Медицинаҕа туттуута

Сир уоһээтигэр баар чааһа хаан баттааһынын үрдээһинигэр (нууч. Гипертония), куртах ыарыыларыгар, бааһырыы, иһэттии кэмигэр туттуллар. Сэбирдэхтэрин иҥиир силбэһиитигэр тутталлар.

Туһаныллыбыт сирдэр

1. Токумова К., Токумов П. Төрөөбүт дойдубут эмтээх үүнээйилэрэ(20-21 стр). - Дьокуускай : Бичик, 2008. - 128с.

2. Иллюстрированный определитель лекарственных растений Якутии / Л. Г. Кривошапкина, В. С. Кривошапкина, И. М. Кривошапкин. - Тверь: ООО "ИПК Парето-Принт", 2018. - 640с.: ил.