Сэм
Сэм Хотой - Олимпия сайыҥҥы XXIII оонньууларын ымыыта. 1984 сыллааҕы Олимпия сайыҥҥы XXIII оонньуулара Америка Холбоһуктаах Штаттарын Лос-Анджелес куоратыгар от ыйын 28 күнүттэн – атырдьах ыйын 12 күнүгэр диэри ыытыллыбыта.
Дьүһүнэ-бодото уларыт
Үрүҥ төбөлөөх хотойу аатырбыт Walt Disney хампаанньа талааннаах худуоһунньуга Боб Мур Америка икки улахан төрүт бэлиэтин холбоон оҥорбут. Бииринэн - АХШ төрүт бэлиэтинэн буолбут үрүҥ төбөлөөх хотой, иккиһинэн - саастаах көрүҥнээх, сэҥийэтигэр бытыктаах, төбөтүгэр Америка былааҕа ойуулаах цилиндр бэргэһэлээх Таай Сээм. Кэнники уобарастан Сэм Хотой аатын уонна бэргэһэтин утумнаабыт[1].