Түмэт урбаан

Түмэт урбаан — түмэт кыһалҕаларын сымнатар уонна суох гынарга анаммыт урбаан.

Маннык ойууланыан сөп:

түмэккэ туһаайыылаах буолар (нуучч. социальное воздействие, англ. social impact) — түмэт кыһалҕаларын сымнатар уонна суох гынар соруктаах, түмүктэрэ бигэ, үтүө уонна кээмэйдэнэр буолуохтаах;
бэйэтин хааччынар уонна үп өттүнэн бигэ буолар — түмэт тэрилтэтэ бэйэтин үлэтинэн ылбыт үбүн туһанан түмэт кыһалҕаларын быһаарар;
урбаанныы көрүүлээх буолар — түмэт урбаанньыт түмэккэ үчүгэй бигэ дьайыылаах үлэни оҥороругар үүтү-хайаҕаһы тобулар, баайы-дуолу, дьону-сэргэни түмэр дьоҕурдаах, саҥа бырайыактары айар кыахтаах буолуохтаах.