Уйгурдаах
Уйгурдаах (эбэтэр Уйгурдаан, Уйгуурдаанап Хабырылла), Слепцов Гаврил Николаевич - Үөһээ Дьааҥыга XX үйэ саҥатыгар үөскүү сылдьыбыт ойуун. Күүстээх гипнозтаах киһи.
1909 сыллаахха Үөһээ-Дьааҥы улууһун Сартаҥ нэһилиэгэр төрөөбүт. Сэбиэскэй былаас кэмигэр куолаһын быһа сылдьыбыттар. Онтон ойууннууртан аккаастанан, гражданскай быраабын төннөрбүттэр, ликбезка сылдьан бэлиэтэнэр, ааҕар буолбут. Онтон кооперативка сыарҕа агена буолан ыраах олорор табаһыттарга ас-таҥас тиэрдээччинэн үлэлээбит. Түүлээх хомуйар эбит. Онтон Сартаҥҥа кооператив лааппытыгар сэбиэдиссэйдээбит. Ол кэннэ маҕаһыына арастараатаҕа түбэһэн 4 сыл хаайыыга олоро сылдьыбыта биллэр.[1] Уйгуурдаанап Таатта кыыhа Арыпыана, Балбаара уонна Быар кыыhа Мааса диэн үс кэргэннэнэ сылдьыбыт. Арыпыананы кытта өр олорор. Онтон 15-16 саастаах Балбаара диэн кыыс оҕону кэргэн ылар. Ол кыыс сэрии саҕана олус аччык-эрэйдээх олоххо олорон, арахсан барар. Уйгуурдаанап букатын кырдьарын саҕана Мааса диэн сааһырбыт дьахтары кэргэн ылар. [2] Уйгурдаах сураҕа, сэрии саҕана дуу, кэнниттэн дуу ѳлбvт. Кинини тѳрѳѳбvт-vѳскээбит сиригэр, Сартаҥ үрэҕэр Арыылаахха кистээбиттэр. [3]