Уопсастыбаҕа сиэрдээх сыһыан аан дойдутааҕы күнэ
Уопсастыбаҕа сиэрдээх сыһыан аан дойдутааҕы күнэ (ХНТ тылларынан: араб. اليوم العالمي للعدالة الاجتماعية, исп. Día Mundial de la Justicia Social, нууч. Всемирный день социальной справедливости, фр. Journée mondiale de la justice sociale) ХНТ Генеральнай Ассамблета № A/RES/62/10 нүөмэрдээх 2007 сыл ахсынньы 18 тахсыбыт резолюциятынан бэлиэтэнэр. Сыл ахсын олунньу 20 күнүгэр 2009 сылтан ыла бэлиэтэнэр.
Резолюцияҕа аан дойду бүттүүнэ быстар дьадаҥы буолууну суох гыныыга, дьон үлэлээх буолууларын ситиһиигэ, дьахтар уонна эр киһи тэҥ буолуутун ситиһиигэ, уопсастыба баай-тот буолуутун уонна сиэрдээх буолуутун ситиһиигэ салгыы күүскэ үлэлиэхтээҕин туһунан этиллэр.
Аан бастаан маннык күнү олохтуур туһунан Кыргыстаан бэрэсидьиэнэ Курманбек Бакиев эппитэ. Кэлин бу этиини Кыргыстаан тас дьыалаҕа миниистирэ Эднан Карабаев Генеральнай Ассамблея 62-с сиэссийэтигэр көтөхпүтэ.
Күн тиэмэлэрэ
уларыт- 2018 сыл — «Үлэһиттэр уопсастыба сиэрдээх буоларын туһугар»
- 2017 сыл — «Үчүгэй үлэ иирсээни суох гыныыга уонна эйэни олохтуурга туһалыыр»
- 2016 сыл — «Сиэрдээх уларытыылар — экэниэмиэкэ уонна түмэт экология өттүнэн тирэхтээх буолуутугар»