Ушницкай Платон Афанасьевич

Ушницкай Платон Афанасьевич (1881—1940) — саха бастакы үөрэхтээхтэриттэн биирдэстэрэ, учуутал.

Дүпсүн улууһун I Өспөх нэһилиэгэр Андылаах Тамаҕа диэн кыракый алааска дьалаҥы балыксыт кэргэнигэр төрөөбүтэ.

1896 с. Дүпсүннээҕи Маслов аатынан оскуоланы бүтэрэр. 1901 с. Дьокуускайдааҕы духовнай семинарияны бүтэрэр. Бороҕон улууһугар учууталлыыр. 1902 с. Дүпсүҥҥэ көһөрүллэр. Онтон Казааннааҕы учуутал семинариятыгар үөрэнэр.

Кэргэнэ Анна Павловна Өлүөхүмэ бааһынайа, 8 оҕолоохтор эбит. Сиэннэриттэн биирдэстэрэ — Саргы Куо — Саргылаана Гольдерова суруйааччы.