Сүрүн мөнүүнү арый

Халыып:Rq халыыпка быһаарыылар

Аҕа дойдуну көмүскүүр Улуу сэрии саҕаланарыгар Макаров Василий Васильевич Таатта улууһун Уус-Амма нэһилиэгэр (төрөөбүт кэмэ: 20.10.1929) 11 сааһын туолаары сылдьара үһү. Сэриигэ атаарыы аймалҕанын бэҕэһээ буолбут түгэн курдук чуолкайдык өйдүүр. Бэйэтэ да аҕыйах ахсааннаах нэһилиэнньэттэн сокуоннай саастарын сиппит эр дьону бука барыларын хомуйан, ат мииннэрэн, улуус сыантырыгар утаарбыттар. Оҕо-дьахтар эрэ өттө хаһаайыстыбаларын көрүнэ хаалбыттар. Василий Васильевич Макаров кэпсииринэн, 1942-43 сыллардаахха Амма өрүс сүнньүнэн сүүрбэлиигэ тиийэ ахсааннаах улахан бэйэлээх таһаҕас тиэммит массыыналар Хаандыга диэкиттэн илин хайысхатынан субуллаллара үһү. Кини кэпсииринэн, ол массыыналар Эмиэрикэттэн Арассыыйаҕа көмө диэн мал тиэйэллэрэ үһү. Ол массыыналар ааһалларыгар нэһилиэк оҕолоро сүүрэн тахсан тоһуйан чэй, саахар умналаан ылаллара эбит. Бөдөҥ, кытаанах куһуок саахар уонна хаптаччы престэммит хара чэй-аччык дьоҥҥо күндү кэһии буолара үһү.