Харитонов Василий Федорович

Харитонов Василий Федорович - Сахалар 1912 сыллааҕы сийиэстэрин кыттыылааҕа.

Нам улууһун I Атамай (1931 сылтан Горнай улууһугар киирэр) нэһилиэгиттэн төрүттээх.

Харытыанаптар уһаайбалара Улуу Сыһыы диэн сиргэ баара. Кини аҕата нэһилиэгин оҕолоро үөрэнэллэригэр элбэх сыратынбиэрбит, өр сыл сүүрэн-көтөн Атамайга маҥнайгы сыаркап приходун оскуолатын арыттарбыта. Ол оскуолаҕа маҥнайгы көрөөччү (почетный попечитель) буолбут.

Василий аҕата арыттарбыт оскуолатын бүтэрэн баран Дьокуускайга реальнай училищеҕа үөрэнэр. Икки-үс сыл үөрэммитин кэннэ нэһилиэгин дьоно үөрэҕин бүтэттэрбэккэ ыҥыран ылан суруксут оҥороллор.

Гражданскай сэрии сылларыгар кыһыллар диэки буолан, Байкалов боломуочунайынан Бүлүү уокуругар ананар.

1929 сыллаахха кулаактааһыҥҥа түбэһэр.

В.Ф. Харитонов география дуоктара Гаврильева М.К. абаҕата.