Хинкали
Хинкали (груз. ხინკალი listen ) диэн Грузияттан кэлбит ас, нучча пельменыгар майгынныыр.[1][2] Бастаан Псхави, Мтиулети уонна Хевресути хайа оройуоннарыгар баар буолбут.[3] Хинкали араас көрүҥнэрэ Хапхаас барытыгар тарҕаммыт,[4] Хинкали иһэ ханна оҥоһуллубутуттан атын-атын буолар, ол гынан баран бастакы рецепынан (хевсурули) фарштаах (идэһэ эбэтэр баранина), луук, биэрэс, туус уонна тмин туттуллар этэ. Сорох рецептарга кинза уонна петрушка туттаачылар. Азербайджаҥҥа уонна атын муслим тарҕаммыт сирдэригэр идэһэ оннугар баранинаны эрэ тутталлар. Эт оннугар тэллэй, хортуоска эбэтэр сыыр угааччылар.
Хинкалины бэйэтинэн сииллэр, сороҕор бытарытыллыбыт хара биэрэс эбэллэр. Иһигэр баар фарш буһарыллыан иннинэ сиикэй, ол иһин бульона, амтана барыта иһигэр хаалар. Ону өссө улаатыннараары бульон эбээччилэр. Бастаан ыстаан баран ол бульонун иһиэхтээххин уонна кыттаанах өттө тутарга эрэ туттуллар, сиэниллиэ суохтаах.
Хинкалины сииргэ туттаныы-хаптаныы быраабылата элбэх, ол курдук биилкэнэн сиир көҥүллэммэт.
Быһаарыылар уларыт
- ↑ The World Cookbook for Students, Volume 1 by Jeanne Jacob, Michael Ashkenazi
- ↑ The Georgian Feast: The Vibrant Culture and Savory Food of the Republic of Georgia by Darra Goldstein
- ↑ Georgia: in the Mountains of Poetry by Peter Nasmyth, 2006
- ↑ Armenian food: fact, fiction & folklore by Irina Petrosian, David Underwood, 2006
Тас сигэлэр уларыт
- Хинкали рецептара (нууччалыы, хаартылскалардаах)
- Хинкали рецептара (нууччалыы) Архыыптаммыт 2012, Кулун тутар 13 күнүгэр.