Хорезм
Хорезм диэн Орто Азия арҕаатыгар баар улахан оазистаах регион. Хорезм аан бастаан б.э.и. VII үйэҕэ ахтыллар. Хорезм Амударья өрүс алын тардыытыгар баар. Хоту Арал байҕала, илин Кыһылкум, соҕуруу Харакум, арҕаа Үстүрт хаптала бааллар. Хорезм Хорасан, Согд, Аланнар, Хуннар сирдэрин кытта кирбиилэһэрэ. Хорезм устун Солко суола барара. Хорезм былыргыттан нүөлсүтүүлээх тараан, уһаныы, эргиэн, үрдүкү култуура сайдыбыт дойдута буолар. Хорезм былыргы олохтоохторо иран омуктар этилэр. Моҕол сэриилээһинин кэнниттэн сыыйа түүрк омуктара бастаабыттара. Билигин Хорезм сиригэр Харахалпахстан, Узбекистан, Туркменистан дойдулара бааллар.
