Чувааш тылын күнэ

Чувааш тылын күнэ — сылын ахсын муус устар 25 күнүгэр бэлиэтэнэр.

1992 сыллаахха муус устар 9 күнүгэр Чувааш Өрөспүүбүлүкэтин Үрдүкү Сэбиэтин Бөрөсүүдьүмүн уурааҕынан олохтоммута. Сыала-соруга тыл уратытыгар болҕомто тардыы, кини сүтэр кыахтааҕын көрдөрүү. Чувааш тылын чинчийээччи, чувааш саҥа суругун-бичигин төрүттээччи Иван Яковлевич Яковлев төрөөбүт күнүгэр бэлиэтэнэр.

Чувааш Өрөспүүбүлүкэтигэр тыл күнүн бэлиэтээһин муус устар 25 күнүн инниттэн саҕаланар. Үөрэх тэрилтэлэригэр чувааш тылыгар, суругар-бичигэр уонна устуоруйатыгар анаммыт күрэстэр, быыстапкалар, көрүүлэр уонна сэминээрдэр ыытыллаллар. Бу тэрээһиҥҥэ үөрэнээччилэр, устудьуоннар, учууталлар кытталлар. Ыччат тэрилтэлэрэ төрөөбүт тылга наллаах флэш-мобтары ыыталлар. Чебоксаарга И.Я. Яковлев мэҥэтин иннигэр миитин ыытыллар, онно сибэкки ууруу туомун уонна тыл этии кэнниттэн фольклор ансаамбыллара ырыа ыллыыллар, дьон хоһоон ааҕар.