Шваб түмэт урбаанын пуондата
Шваб түмэт урбаанын пуондата (ааҥл. Schwab Foundation for Social Entrepreneurship) — түмэт урбаанынан дьарыктанар дьону уонна тэрилтэлэри өйүүргэ уонна үбүлүүргэ тэриллибит Швейцариятааҕы Аан Дойду эргиэнэ суох пуонда[1][2].
.jpg)
«Шваб түмэт урбаанын пуондатын» 1998 сыллаахха Швейцария экономиһа, Давос Аан Дойду экономикаҕа форумун тэрийээччитэ уонна уларыйбат салайааччыта Клаус Шваб уонна кини кэргэнэ Хильда Шваб «Аан Дойду кэскиллээх түмэт урбаанньыттарын» өйүүр иһин тэрийбиттэрэ[2][3]. Пуонда үлэтин сыаллара-соруктара - «түмэт урбаанын сайыннарыы уонна түмэт сайдарын туһугар үлэлиир түмэт урбаанньыттарыгар көмө»[3].
«Шваб түмэт урбаанын пуондатын» киинэ Женеваҕа баар (Швейцария).
2015 сыл муус устарыгар Пуонда салалтатыгар киирэллэр: Хильда Шваб, Клаус Шваб, Рик Аубри (ааҥл. Rick Aubry), Пауло Коэльо, Дэвид Герген (ааҥл. David Gergen; АХШ президеннарын сүбэһитэ), Бельгия Хотуна Матильда, Зенель Мбеки (ааҥл. Zanele Mbeki; САӨ президенын ойоҕо), Мухаммад Йунус[4].
«Шваб Пуондатын» Доруобуйа аан дойдутааҕы тэрилтэтин үрдүк таһымнаах үлэһитэ Памела Хартиган (ааҥл. Pamela Hartigan) салайар.
2000—2010 сылларга «Шваб Пуондата» түмэт урбаанын өйүүр Аан Дойду саамай улахан тэрилтэтэ этэ[1][2].
2007 сыллаах көрдөрүүлэринэн «Шваб Пуондата» Аан Дойду 72 түмэт урбаанньытыгар көмө оҥорбут.
Пуонда сыл аайы Аан Дойдутааҕы "Сыл түмэт урбаанньыта" диэн күрэскэ 20-25 түмэт урбаанньытын талар[3].
«Шваб Пуондата» сыл аайы Женеваҕа түмэт урбаанньыттарын көрсүһүүлэрин, экономикаҕа конференциялары тэрийэр, ону тэҥҥэ Пуонда үлэһиттэрэ Давос Аан Дойду экономикаҕа форумугар кытталларын үбүлүүр[1][2][3].
«Шваб Пуондата» тэрийэр түмэт урбаанньыттар уонна Аан Дойду улахан тэрилтэлэрин салайааччыларын көрсүһүүлэрэ сомоҕо бырайыактар үөскүүллэригэр тириэрдэллэр[2]. Холобур, 2003 сыллааҕы Аан Дойду экономикаҕа форумугар Джеру Биллимория Аан Дойду электроситим сомоҕолоһуутун тойонун солбуйааччытын Роберто Блуаяны кытта билсибитэ[2]. Бу көрсүһүү Аан Дойдутааҕы оҕолор эрэллээх төлөпүөннэрин ассоциацията үөскүүрүгэр улахан сабыдыаллаах этэ[2].
«Шваб Пуондатын» биһирэбилин «Секем» (Ибрагим Абулиш) диэн тэрилтэ ылбыта[5].
Быһаарыылар
уларыт- ↑ 1,0 1,1 1,2 Джоанна Мэйр и Кейт Гэнли. Социальное предпринимательство: инновации для устойчивого развития. — 2010. — С. 109-120. Печатается по: Johanna Mair and Kate Ganly. Social Entrepreneurs: Innovating Toward Sustainability (en) // Worldwatch Institute State of the World 2010: Transforming Cultures. From Consumerism to Sustainabilit. — New Yor: W.W. Norton & Company, 2010. — P. 103-109.
- ↑ 2,0 2,1 2,2 2,3 2,4 2,5 2,6 Дэвид Борнстейн Как изменить мир: Социальное предпринимательство и сила новых идей. — Москва: Альпина Паблишер, 2012. — 499 с. — ISBN 978-5-9614-1741-8
- ↑ 3,0 3,1 3,2 3,3 Schwab Foundation for Social Entrepreneurship (about)(ааҥл.). Schwab Foundation for Social Entrepreneurship. Тургутулунна 21 Муус устар 2015.
- ↑ Schwab Foundation for Social Entrepreneurship (foundation board)(ааҥл.). Schwab Foundation for Social Entrepreneurship. Тургутулунна 21 Муус устар 2015.
- ↑ Инга Пагава. Фонд Шваба: лучшие практики(нууч.). Новый Бизнес (12 Олунньу 2008). Тургутулунна 22 Муус устар 2015.
Сигэлэр
уларыт- Ситим сир: Schwab Foundation for Social Entrepreneurship Архыыптаммыт 2019, Ыам ыйын 4 күнүгэр..
- Facebook: schwabfound.