Шорай, Тюркан

Тюркан Шорай(тур. Turkan Soray; төр. бэс ыйын 25 күнүгэр 1945 с.) - Турция киинэактырыысата, сценарист уонна режиссёр. Кинини кыраныысса таһыгар "Илин дойду Элизабет Тейлора" диэн ааттыыллар. Тюркан Шорай, 1945 с.бэс ыйын 25 күнүгэр Турцияҕа Стамбул Эюп диэн оройуонугар төрөөбүт. Аҕата Халит Шорай - чунуобунньук, ийэтэ Мелиха Шорай, дьиэ көрөөччү. Дьиэ кэргэн үс кыыс оҕолооҕо. Тюркантан ураты, Назан уонна Фиген. Кыра кыыс төрөөбүтүн кэннэ, Тюркан ийэлээх аҕата арахсыбыттар. Оҕолор ийэлэригэр хаалбыттар. Мелиха, Карагюмрюкка дьиэ куортамнаан олорбут. Онно олорон Тюркан, Кыргыттар Фатихскай лицейдарын үөрэнэн бүтэрбит. Куортамнаан олорор дьиэлэрин бас билээччи, Турция бастакы киинэактырыысаларыттан биирдэстэрэ Эмель Йылдыз эбит. Кини, Тюрканы Ешилчам студияҕа аҕалбыт. 1960 с. Тюркан 15 саастааҕар, режиссёр Невзат Песен "Ветер любви" диэн киинэҕэ сүрүн оруолга уһулбут. Киинэ олус ситиһиилээх буолан кириитиктэр өйөбүллэрин ылбыт, Тюркан Шорай Ешилчам киностудияны кытта хантараах түһэрсибит. Онон, 1960 сылтан Тюркан кинокарьерата саҕаламмыт. 1960-1965 сс., биэс сыл устата 60 кэриҥэ киинэҕэ, араас оруолларга уһуллубут. Балта Назан эмиэ, киинэ артыыһа эрээри, Тюркан курдук ситиһиитэ суох эбит. 1965-1970 сс. киинэактырыыса, өссө, 48 киинэҕэ уһуллан карьерата ситиһиилээх буолбут. 10 сыл устата 100 тахса киинэҕэ уһуллубут. Онон, 20 саастааҕар, Турция биллиилээх уонна чаҕылхай (4) киинэактырыысаларын ахсааныгар киирбит. Арассыыйаҕа, Назым Хикмет "Любовь моя, печаль моя" арамаанынан уһуллубут киинэҕэ Мехмет Бану оруолун, Чингиз Айтматов "Мой тополёк в красной косынке"диэн арамаанынан уһуллубут киинэҕэ сүрүн оруолу ситиһиилээхтик оонньообут. Барыта холбоон 200 кэриҥэ киинэҕэ уһуллубут. 1972 с. бастакы режиссёрскай үлэтигэр, "Возвращение" диэн киинэҕэ сүрүн оруолу толорбут. 1974 с. "Страдание", 1976 с."Асла и Даима" уо.д.а.режиссёрскай үлэлэрэ көрүүгэ тахсыбыттар. Наҕараадалара: Судаарыстыбаннай артыыс - сыбаанньа; "Золотой апельсин" бириэмийэ, бастыҥ дьахтар оруолун иһин(1964, 1968, 1987, 1994); "Золотой апельсин" бириэмийэ, ситиһиилэрин иһин; 4 төгүл "Лучшая киноактриса" бириэмийэ Анталияҕа буолар киинэ бэстибээлигэр; "Большой приз" бириэмийэ, Москваҕа буолбут киинэ бэстибээлигэр режиссёрскай дебютун иһин; "Лучшая актриса" бириэмийэ. Ташкеннааҕы киинэ бэстибээлигэр. Стамбул уонна Рим киинэ бэстибээллэригэр бочуотунай наҕараадалар. 2016 сылтан Евразия Академиятын чилиэнэ. 2010 с. кулун тутар 12 күнүгэр ЮНЕСКО Үтүө Санаа Посола. 1983 с. Актёр Джихан Унали кытта ыал буолбуттар. 1984 с.алтынньы 21 күнүгэр Ягмур диэн кыыс оҕо төрөөбүт. Ыал, 1987 с.арахсыбыт. https://ru.m.wikipedia.org/wiki/%D0%A8%D0%BE%D1%80%D0%B0%D0%B9,_%D0%A2%D1%8E%D1%80%D0%BA%D0%B0%D0%BD http://beauty-around.com/memory-pages/item/30-turkan-shorai