Ырытыы:Куоска

Ыстатыйа аата

Мааска диэн, ИМХО буолуохтаах. Уонна, Тимир, саха тылыгар "я" бичик суох - кутуйах диэн сөп.

Мааска диэн арааһа түөлбэ тыла быһыылаах. Мин саныахпар Машка диэн ааттан тахсыбыт буолуон сөп. Ханна да литератуураҕа мааска диэн тылы бу суолтаҕа тутталларын көрсүбэтэҕим. Төттөрүтүн "куоска" диэн мэлдьи туттуллар тыл. Холобур, Тимофей Сметанин "Куоска олоҥхото" диэн биэс уонча сыллааҕыта суруллубут остуоруйалаах. Аатын төттөрү уларытаргытыгар көрдөһөбүн. --80.73.80.51 10:15, 26 Алтынньы 2008 (UTC)

Мин да истибэтэҕим аноним этиэн иннинэ. Онуоха татардыы Мәче, узбектыы Mushuk уонна венгрдыы Macska диэн эбит. Былыргы умнуллубут аата буолуон сөп?--Timir 11:00, 26 Алтынньы 2008 (UTC)

Серошевскайга эмиэ "мааска" диэн. Киинэ да баар этэ дии, "хара мааска" - "черная кошка" диэн ааттаах баанда туһунан.--Scalped1998 17:28, 16 Ахсынньы 2008 (UTC)

Кырдьык, дьикти суол эбит, бэрт кэпсэтии тахсыбыт, тыл үөрэхтээхтэрэ туох дииллэрэ буолла? Биир бэйэм (мин санаам бэйэм эрэ киэнэ, кимиэхэ да соҥообоппун) хаһан да мааска диэн тылы олоххо истэ иликпин. Хата ити "Хара мааска" куоска диэн суолталааҕын саҥа биллим ;-) Мин саныахпар, арай, иккис суолта быһыытынан киллэриэххэ сөп эбитэ дуу. Холобур: "Куоска (илин улуустарга сороҕор Мааска) - дьиэ кыыла...", - диэбит курдук ("илин улуустар" диэн ити быһа барыллаан эттим, чуолкай буолбатах). --HalanTul 22:41, 16 Ахсынньы 2008 (UTC)