Эйэлээх утарылаһыы күнэ

Эйэлээх утарылаһыы аан дойдутааҕы күнэ (ХНТ тылларынан: араб. اليوم الدولي للاعنف, исп. Día Internacional de la No Violencia, нууч. День ненасилия, фр. Journée internationale de la non-violence).

Махатма Ганди төрөөбүт күнүгэр 2007 сыллаахтан ХНТ Генеральнай Ассамблеятын быһаарытынан (ХНТ № A/RES/61/271 резолюцията, 27.06.2007) аан дойду үрдүнэн алтынньы 2 күнүгэр бэлиэтэнэр. Олоҕу уонна былааһы уларытыыны хайаан да өлөрөн-өһөрөн буолбакка, күүһүнэн өттөйбөккө, аҥардас эйэлээх дьайыыларынан ситиһиэхэ сөп диэн бөлүһүөпүйэлээх хамсааһын күнэ.

ХНТ ситим-сиригэр сурулларынан, күүһүнэн өттөйбөккө утарылаһыы диэн утарыласпакка олорон биэрииттэн атын. Бу хамсааһын сүрүн түөрүйэтэ ханнык баҕарар былаас дьон көхтөөх эбэтэр көҕө суох өйөбүлүгэр олоҕурар, онон өскөтө былаас дьон санаатыгар-баҕатыгар сөп түбэспэт буоллаҕына, ол өйөбүлү суох оҥоруохха сөп, оччоҕо былаас хаан тохтуута да суох уларыйыахтаах диэн.

Бу хамсааһын сүрүн дьайыылара үстэр:

  • Эйэлээх бырачыас көрүҥнэрэ (холобур, пикеттэр, хаамыылар, үлэни тохтотуу), дьоҥҥо өйдөтөр үлэни ыытыы.
  • Былаас тэрээһиннэрин өйөөбөт, кинини кытта алтыспат буолуу.
  • Былаас үлэтин эйэлээхтик бохсуу (холобур тэрилтэ дьиэлэрин былдьаан тэрилтэлэри сүгүн үлэлээбэт гыныы, суолу-ииһи бүөлээһин иҥин).


Эбии көрУларыт

СигэлэрУларыт