Эол күөллэр

Эол күөллэр — салгын хамсааһынын (тыал үрүүтүн) түмүгэр оҥоһуллубут күөллэр. Сороҕор тыал кумаҕы үрэн уу түһэр сирин быһыттаан кэбиһэр. Оччоҕо күөл үөскүүр. Сороҕор тыал сымнаҕас көпсөркөй боруоданы үрэн намыһах сирдэри оҥорбутугар уу мустар. Бу иккис ньыманнан оҥоһуллубут күөллэри өссө дефляция көмөтүнэн оҥоһуллубут күөллэр эбэтэр плайя дииллэр.

Бу күөллэр кытыллара, тас көстүүлэрэ уһулуччу кэрэ буолар. Кумахтаах, сынньанарга табыгастаах буолуон сөп. Саха Сиригэр маннык айылҕалаах күөллэринэн Бүлүү улууһугар баар Ньакыйа уонна Алыһардаах буолаллар.

Атын айылҕалаах күөллэр

• Тектон күөллэр
• Термокарст күөллэр
• Карст күөллэр

Туһаныллыбыт сирдэр

Е. Мироненко. Про реки и озера Якутии. — «Якутск Вчерний» хаһыат, 2009, от ыйын 31.