Югославия

Югославия соҕуруу славян норуоттарын холбуу сылдьыбыт судаарыстыбалар ааттаналлар Югославия диэн. Аан бастаан, Сербтар, Хорваттар уонна словеннар королестволара диэн ааттаах этэ. Германия армията саба түспүтүн кэнниттэн, СХСК тус-туспа, Гитлерга баттанан олорор судаарыстыбалар тэриллибиттэрэ. Далмация (Адриатика муоратын кытыытыгар сытар кыра кэтиттээх сир) Италия састаабыгар киирбитэ, онтон Словения хотугу өттүн Германия ылбыта. Югославияны Кыһыл Армия кэлэн быыһаабыта.Онтон ыла Югославия саҥа аата Югославия Социалистическай Федеративнай Республиката диэн буолбута. Марксизм-ленинизм идеологиятын тутуһаллара. Югославияҕа уһун кэмҥэ президенныы сылдьыбыт киһинэн Иосиф Броз Тито буолар. 1984 сыллаахха Сараево куоракка Кыһыҥҥы Олимпиада буолбута.

Югославия турбут сирэ. Границата араас бириэмэҕэ уларыйа сылдьбыта.

ЮСФР былааҕа

Иккис Аан дойду сэриитин кэнниттэн Югославия Социалистическай Федеральнай республиката диэн ааттаах тэриллибитэ, алта республикалаах: Босния Герцеговина, Хорватия, Черногория, Сербия, Словения, уонна 2 автономнай провинциялаах: Воеводина уонна Косово (Иккиэн Сербия Социалистическай Республикатын иһигэр киирэллэр).

1990-ус сылларга Югославияҕа гражданскай сэрии буола сылдьыбыта. Сэрии кэнниттэн Югославия састаабыгар Сербия уонна Черногория эрэ хаалаллар. Югославия аатын Югославия Союзнай Республиката диэҥҥэ уларыппыта. ЮСР президенын Слободан Милошевиһы 2000 сыллаахха революция буолан былаастан туораабыта. 2006 сыллаахха референдумҥа Черногория олохтоохторо Сербияттан туспа олоруон баҕаралларын эппиттэрэ. 2006 сыллаахха Югославия диэн судаарыстыба суох буолбута.