Үчүгэй (нэһилиэк)
Үчүгэй нэһилиэк. Өймөкөөн улууһун нэһилиэгэ, киинэ Үчүгэй.
Нэһилиэнньэтин ахсаана 323 киһи (2007 сыл), ол иһигэр Үчүгэй - 293, Күбүмэ - 30 киһи.
Үчүгэй нэһилиэгэ Уус Ньараттан 350 км ыраах соҕуруулуу-арҕаа диэкки сытар. Тыраасса аттыгар турар буолан суола-ииһэ үчүгэй. Баһылык "Кыым" хаһыат кэрэспэдьиэнигэр 2024 сыл кулун тутарыгар кэпсээбитинэн нэһилиэнньэ 300-чэ, мэлдьи олорооччута - 200-тэн тахса. Бөһүөлэккэ нацилнальнай эбэҥки статуһун туруорсаллар эбит, докумуоннарын хомуйбуттар. Сүрүннээн таба иитиитинэн дьарыктанар эбээннэр олороллор (60%). Таба ахсаана 8000 кэриҥэ. 1 улахан хаһаайыстыба уонна 5 община иитэллэр. Чааһынайга 400-чэ сылгы, сүүстэн тахса ынах баар.
Манна араас тэрилтэлэр: орто оскуола, участковай балыаһа, культура дьиэтэ, библиотека үлэлииллэр. Уоттара диисэл ыстаансыйатыттан хааччыллар. Урут оскуола этно-хайысхалаах эрдэҕинэн эбээн тылын үөрэтэллэр эбит, билигин куруһуокка эрэ баҕалаахтары үөрэтэллэр[1].
Үчүгэйгэ сылын аайы таба бырааһынньыга үрдүк таһымнаахтык бэлиэтэнэр.
Ылыллыбыт сирэ
уларытЭнциклопедия Якутии, М., 2000 г.
Быһаарыылар
уларыт- ↑ Саргылаана Багынанова. "Кыым" үлэһиттэрэ — Өймөкөөҥҥө // Кыым (хаһыат). — 2024. — 28 Бэс ыйын (№ 12 (22663)). — С. 11.