Өлүөнэ туруук хайалара

(Мантан: Өлүөнэ очуостара көстө)

Өлүөнэ турууктара эбэтэр Өлүөнэ туруук хайалара. Өлүөнэ өрүс орто сүүрүгэр Хаҥалас улууһугар баар айылҕа сэдэх кэрэ көстүүлээх сирэ, ЮНЕСКО киһи-аймах утумугар киллэрбит айылҕа паарката.

Өлүөнэ турууктара
Өлүөнэ турууктарын кыһыҥҥы көстүүтэ

Өлүөнэ өрүс уҥа кытылыгар баар, таастарын үрдүгэ 100 м тиийэр. Сиинэ сэлиэнньэ утары саҕаланар уонна сүүрүк таҥнары 180 км тухары салҕанар.

Бу хайалары өссө Кембрий саҕана известняк боруодатын уу суурайан уонна тыал алдьатан үөскэппит.

Туризм сайдыбыт сирэ. "Өлүөнэ очуостара" национал айылҕа паркатыгар киирэр.

Аан дойду удьора уларыт

2008 сыл атырдьах ыйыгар "Өлүөнэ очуостара" айылҕа пааркатын ЮНЕСКО экспиэрэ, Аан дойдутааҕы айылҕаны харыстыыр Сойуус харабылланар сирдэр программатын салайааччыта Дэвид Шеппард кэлэн барбыта.

Сыала-соруга: ЮНЕСКО Аан дойду наследиетын тиһигэр киллэриллиэхтээх айылҕа пааркатын сыаналааһын.

Кембрий саҕанааҕы сөҥүүлэр баалларынан уонна сэдэх кэрэ тас көстүүтүнэн ханна да суох сир диэн сыаналаабыт.

Өлүөнэ турууктара Санкт-Петербург куоракка 2012 сыл от ыйын 2 күнүгэр ЮНЕСКО Аан дойду Утумун кэмитиэтин 36-с сессиятын түмүгүнэн ЮНЕСКО Аан дойду Утумун тиһигэр киирбитэ. (ол иннинэ аасыпт 2009 сыллаахха тиһиккэ хапсыбатаҕа)[1][2][3].

Ылыллыбыт сирэ уларыт

  • Якутская АССР, словарь - справочник, Якутск, 1980 г.
  • "СахаЭкос" хаһыат, 1№, 2009.

Быһаарыылар уларыт