Interstate 60
Interstate 60 диэн Боб Гейл 2002 сыллааҕы киинэтэ. Жанра комедия-драма суол киинэтэ.
| Interstate 60 | |
|---|---|
| ' | |
| [[File:|200px]] | |
| Жанр | суол киинэтэ |
| Режиссёр | Боб Гейл |
| Продюсер | Боб Гейл Айра Дойчман Питер Ньюман |
| Сценарий ааптара |
Боб Гейл |
| Сүрүн оруолларга |
Джеймс Марсден Гэри Олдмен Эми Смарт Кристофер Ллойд |
| Оператор | Денис Малони |
| Композитор | Кристоф Бек |
| Кинокомпания | Fireworks Entertainment Redeemable Features |
| Дистрибьютор | Samuel Goldwyn Films |
| Уһуна | Театр версията: 112 мүнүүтэ Режиссер версията: 117 мүнүүтэ |
| Бюджет | $ 7 000 000 |
| Касса | |
| Дойду | Канада АХШ |
| Тыла | аангыл |
| Сыла | 2002 |
| IMDb | ID 0165832 |
Сюжета
уларытАан дойду омуктарын номохторугар баҕа санааны толорор араас персонажтар бааллар. Арабтарга - джиннар, ирланнарга - лепреконнар, кытайдарга - луолар, Эуропа омуктарыгар - феялар. Америкаҕа маннык персонаж аата О.У. Грант (O.W. Grant). Кини эмиэ туох баҕарбыт санааҕын барытын толоруон сөп, ол эрэн кини дьээбэлээх соҕус киһи...
Нил Оливер диэн уол баай ыал оҕото. Аҕата ситиһиилээх адвокат буолан Нил кини туйаҕын хатаран юрист оскуолатыгар үөрэнэ киириэн баҕарар. Нил адвокат буолуон соччо баҕарбат, уруһуйдуурун ордук сөбүлүүр. Нил таптыыр кыыстаах эрээри түүлүгэр атын билбэт кыыһын көрөн таптаан кэбиһэр. Нил 22 сааһын туолар төрөөбүт күнүгэр олоххо туох аналлаахпын хоруй ылыахпын баҕарабын диэн баран торт чүмэчитин үрэр. Маны официанныы сылдьар О.У. Грант истэ көрөр. Салгыы Нил олоҕор араас дьикти түбэлтэлэр буолаллар. Түүлүгэр көрбүт кыыһын булаары ханнык да хаартаҕа суох Interstate 60 суолунан айаннаан барар.
Оруолларга
уларыт- Джеймс Марсден — Нил Оливер
- Гэри Олдмен — О. У. Грант
- Эми Смарт — Линн Линден
- Кристофер Ллойд — Рэй
- Крис Купер — Боб Коди
- Курт Расселл — капитан Айвз
- Майкл Джей Фокс — мистер Бейкер
- Энн-Маргрет — миссис Джеймс
- Эми Джо Джонсон — Лора
Оҥоруу
уларытБоб Гейл киинэни бэйэтэ суруйбут сценарийынан уһулбута. Айар үлэтигэр күүрээннэрэ - Барык түөлбэ телесериал, Гулливер айаннара уонна Алиса Дьикти дойдуга битиктэр. Киинэ уһулуута 2000 сыл балаҕан-алтынньы ыйдарыгар буолбута. Уһулуу буолбут сирдэрэ - Финикс (Аризона, АХШ) уонна Торонто (Онтарио, Канада).
Ылыныы
уларытКиинэ премьерата Америкаҕа 2003 сыл муус устар 25 буолбута. Fireworks компания үбэ тиийбэккэ киинэ үчүгэйдик рекламаламматаҕа уонна аҕыйах киинэ театрдарыгар көстүбүтэ. Мантан сылтаан 7 мөлүйүөн доллар бюджеттаах киинэ ночооттоох буолбута. Кэлин DVDга тахсан ордук биллибитэ. Кэлэр сыллар устата элбэх көрөөччү сэҥээрэн культовай статустаах киинэ буолбута. Сорох критиктар Interstate 60 бастыҥ суол киинэтэ буолар дииллэр.