Vice Media
Vice Media Group LLC диэн Америка-Канада медиа-биэрии компанията. Бас салалтата Нью Йорк хотоҕо баар. 2021 сыл бэс ыйын туругунан Vice Media Group биэс сүрүн бизнес эйгэлээҕэ: Vice.com (сыыппара контент), Vice Studios (киинэ уонна ТВ оҥоруута), Vice TV (иккис аата Viceland, телеканал), Vice News (сонуннар уонна документал видеолар), Virtue (айар өҥөлөрү атыылыыр агенсия). Компания таһаарар сыыппара медиата сүрүннээн эдэр көрөөччүлэргэ аналлаах.
Vice Media 1994 сыллаахха Монреалга төрүттэммитэ. Төрүттээччилэрэ Суруш Алви (Suroosh Alvi), Шейн Смит (Shane Smith) уонна Гэвин Макиннес (Gavin McInnes). Компанияны төрүттүүр санаа Vice сурунаалтан силистэнэр. Бас билээччилэрэ: Шейн Смит, The Walt Disney Company, A&E Networks, TPG Capital, Soros Fund Management, Джеймс Мердок (James Murdoch).
Vice Media 2023 сыл саҥатыгар барыс кэлиитэ моһуогуран атыыланыан сөптөөҕүн туһунан биллэрбитэ. 2023 сыл ыам ыйын 1 күнүгэр The New York Times хаһыат Vice Media банкроттанарга бэлэмнэнэ сылдьар диэн суруйбута.