«Акчарлак» хаһыат -- Татарстан Өрөспүүбүлүкэтин биир саамай биллэр уонна улахан тиражтаах хаһыата. 2001 сыллаахтан ыла татаар тылынан тахсар. Тэрийэн таһаарааччыта -- ТӨ норуодунай артыыһа, биллиилээх уопсастыбанньык Габдельфат Сафин. Хаһыат нэдиэлэҕэ биирдэ 32 балаһанан, А4 форматынан тахсар. 2001 сылтан тиражтара сыллата 2,5 төгүл элбиир, 2011 сыллаахха -- 42 000 экземпляр буолбуттара. Хаһыат тираһа сэртипэкээттээх (28.05.2010 с. бэриллибит 616 №-дээх сибэдиэтэлистибэ). "Национальнай тылынан тахсар саамай элбэх тиражтаах хаһыат" бириэмиэй "Тираж - рекорд 2010 года" номинациятын кыайыылааҕа[1].

Билэ:Акчарлак.jpg

Хаһыат информационнай-аралдьытар хайысхалаах. «Акчарлак» өрөспүүбүлүкэ, дойду уонна аан дойду бэлиитикэтин, култууратын, социальнай-экэнэмиичэскэй тутулун, итэҕэлин, онтон да атын сонуну сырдатар. Хаһыат балаһаларыгар ырытыылар, ыстатыйалар, репортажтар, ыччат кыһалҕатын, тыа сирин, куорат, о.д.а. туһунан матырыйааллар бэчээттэнэллэр. Ону таһынан татаар сирин биллэр дьонун интервьюта, анал тиэмэлээх рубрикалар тахсаллар.

Ааҕааччытын сааһа араас. «Акчарлагы» үлэлиир, үөрэнэр ыччат, орто саастаах, аҕам дьон ордук ааҕаллар.

2003 сылтан ыла «Акчарлак» бэйэтэ туспа биэс таһаарыыны таһаарар буолбут, олор туспа тиражтаахтар: «Ашыгыч ярдәм», «Уртак хисләр», «Авырмас өчен 101 кинәш», «Акчарлак сканворды», «Татар хатыны».

Бэлиэтээһиннэ уларыт

Сигэлэр уларыт