Тайпэй 101

Халыып:Сүдү тутуу Тайпэй 101 (кыт. трад. 臺北101, судургу 台北101, пиньинь Táiběi Yīlíngyī, палл. Тайпэй и-лин-и) — Тайвань киинигэр Тайпэйга баар небоскрёб. Небоскрёб 101 мэндиэмэннээх, үрдүгэ — 509,2 м (шпилын кытта). Аллараа мэндиэмэннэргэ атыы-эргиэн кииннэрэ, онтон үөһээ офистар бааллар. Үрдүгүнэн аан дойдуга иккис миэстэни ылар, маннааҕар үрдүк Бурдж Дубай буолар.

Небоскребу тутуу 1999 сылга саҕаламмыта. Официальнай арыллыыта сэтинньи 17 күнүгэр 2003 сылга, онтон ахсынньы 31 күн 2003 сылга үлэтин тэтимнээхтик саҕалаан барбыта. Небоскребу тутуу сыаната 1,7 млрд дуоллар.

Бу небоскрёбка аан дойдуга саамай түргэн лифт баар — түргэнэ 63 км/ч. Маҥнайгы мэндиэмэнтэн одуулуур мэндиэмэҥҥэ, ол эбэтэр 89-с этээскэ дылы, 39 сөкүүндэнэн тахсыахха сөп.

Бу тутууга өстүөкүлэни, ыстаалы уонна алюминийы 380 бетоннай өйөбүл өйүүр, олортон хас биирдиитэ сиргэ 80 м батары түһэ сытар. Тутууурагантан эбэтэр сир хамсааһыныттан самныбатын гына, үөһэ 87 уонна 91 мэндиэмэннэр икки ардыларыгар 660-тонналаах шар-маятник турар. Инженердар этэллэринэн, бу башня күүстээх хамнааһыны 2500 сыл устата тулуйар кыахтаах.

Бу тутууну Тайпэй финансовай корпорацията бас билэр.

Билиҥҥи кэмҥэ, бу тутуу Тайпэй, Тайвань эрэ киэҥ туттуута буолбатах, Азия материга бүтүннүүтэ сөҕөр-махтайар символа буолар.Сир үрдүгэр 101 мэндиэмэннээх уонна сир анныгар 5 мэндиэмэннээх. Архитектурнай истиилэ аныгы уонна кытай архитектуратын холботтоон оҥорбуттар.

Галерея

• 
  Башня ночью, полностью освещённая
• 
  Башня ночью
• 
  Новогоднее освещение
• 
  Новогодний фейерверк, 2008

Ссылки

Биики ыскылаатыгар медиа билэлэр:

Taipei 101

• Официальный сайт(ааҥл.)
• фотографии небоскрёба Тайбэй 101
• Принцип работы шара-маятника