Винокуров Михаил Зиновьевич: Барыллар ыккардыларынааҕы ураты

'''Винокуров Михаил Зиновьевич''' (1895-1983) — [[Америка Холбоһуктаах Штааттара|Америка Холбоһуктаах штааттарыгар]] олорбут, [[АХШ Кэнгириэһин бибилитиэкэтэ|Конгресс бибилитиэкэтигэр]] үлэлээбит, АХШ-ка саамай бөдөҥ нуучча архыыбын хомуйбут Саха сириттэн төрүттээх киһи (сахалыы үчүгэйдик билэр буолан, ол архыыпка сахалыы кинигэлэри эмиэ хомуйбут, Пекарскайы кытта суруйсуутугар сахалыы наһаа үчүгэй ырыаны билэбин, кыыспар утутаары ыллыыбын диэн билиммит суруга баар<ref name="Харысхал">{{Кинигэ|автор=Баһылай Харысхал|заглавие=Ааспыт кэм аартыктарынан|место=Дьокуускай|издательство=Түһүлгэ|год=2021|страницы=352346|страниц=368|isbn=|тираж=2000}}</ref>). Эдэр сылдьан суруйбут хоһооннорун Михаил Таежник диэн илии баттыыр эбит. 30-с сс. саҕаларыгар Финляндияҕа тиийбит үс сахаҕа көмөлөспүтэ.

Кыра убайа Тихон Дьокуускайдааҕы духуобунай сэминээрийэни бүтэрэн баран кылгас кэмҥэ саалтыыр ааҕааччытынан үлэлээбит, онтон Санкт-Петербурга университекка үөрэммит. Онно эсердэр хамсааһыннарыгар кыттан хаста да хаалла сылдьыбыт, үөрэҕиттэн уһуллубут. 1925-26 сыллааҕы КЯР эспэдиисийэтин кыттыылааҕа, Саха сирин балыктарын чинчийэр ихтиолог-препартор уонна тылбаасчыт дуоһунаһыгар сылдьыбыт. Ленинграадка төннөн баран хаайыллыбыта, онно өлбүтэ. Быраатын кытта суруйсаллар эбит. Пекарскай Эмиэрикэҕэ Михаил Зиновьевичка аадарыстыбтаабыт суруктарыттан көрдөххө, Тихон кыра оҕолордоох, быстар дьадаҥытык олорбут, үлэлээбит хамнаһын да сатаан аахсыбат сэмэй киһи эбит<ref name="Харысхал" />.