Аслан Хатидже
Хатидже Аслан (1962 сыллаахха олунньу 20 күнүгэр төрөөбүтэ, Сивас, Турция өрөспүүбүлүкэтэ) — турок биллиилээх, биир саамай элбэх хамнастаах артыыһа.
Биографията
уларытХатидже Аслан 1962 сыллаахха олунньу 20 күнүгэр күнс сирин көрбүтэ. Кини Сивас диэн Турция оччоугуй куоратыгар төрөөбүтэ. Эмиэ ол куоркка орто оскуолана ситиһиилээхтик үөрэнэн бүтэрбитэ. Ол кэнниттэн Анкара куорат Судаарыстыбаннай консерваториятыгар үөрэххэ туттарсан киирбитэ. Устудьуоннаан бүтэн баран Измир куорат тыйаатырыгар уонна киин куорат Судаарыстыбаннай тыйаатырыгар артыыс быһыытынан үлэлээбитэ.
Тэлэбиидэнньэҕэ аан бастаан Фатих Аксой «Хюррем Султан» диэн ааттаах дьҕус, куччугуйкаан сэрийээлигэр сүрэхтэммиттэ. Ол кэнниттэн Аслан Нури Бильге Джейлан «Три обезьяны» киинэтигэр сүрүн дьахтар оруолун оонньоон аатын суолун оҥостубута. Бу киинэ Канн норуоттар икки ардыларынааҕы киинэ бэстибээлигэр миэстэлэспитэ. Хатидже тус бэйэтэ ол оруолун иһин киинэ бэстибээлин "Бастыҥ дьахтар артыыс" аатын ылары ситиспитэ. Бу улаха кыайыы этэ. Ол кэнниттэн ааннар арыллан барыттара. Кини устунуна маннык курдук улахан бырайыактарга, киинэлэргэ уонна сэрийээллэргэ артыыс быһыытынан кыттыспыта: «Опасная любовь», «Зависть», «Восточные пьесы», «Опасная любовь» уонна «Пора тюльпанов».
Аслан Хатидже икки төгүллээн ойох тахсы сылдьыбыта: бастакы сырыытыгар кини тыйаатыр уонна киинэ худуоһунньуга Хаккы Эргёктүүн холбоспута. Кинилэр ыал буолан этэҥҥэ с;;рбэ сыл олорбуттара эрээри, тапсыбакка, өйдөспөккө арахсыбыттара; икки сырыытыгар кини Ренан Калели диэн аатырбыт худуоһунньукка эргэ барбыта. Ол эрээри кинини да кытта дьоллоох олоҕо уһаабатаҕа. Пааралар сотору буолан баран арахсыбыттара. Хатидже икки оҕолоох: биирэ уол, Экин диэн ааттах. Бэйэтэ төрөппүт оҕото. Ону таһынан кини Эдже диэн Турцияҕа улахан сир хамсааһынан кэнниттэн төгүрүк тулаайах хаалбыт кыыһы иити ылбыта.