Афанасьева Валентина Петровна
Афанасьева Валентина Петровна, РФ уопсай үөрэхтээһин бочуоттаах үлэһитэ, Саха Өрөспүүбүлүкэтин үөрэҕириитин туйгуна.
Олоҕун олуктара уларыт
1955 с. бэс ыйын 17 күнүгэр Сунтаар оройуонугар, Элгээйи нэһилиэгэр, төрөөбүтэ.
1979 с. Саха государственнай университетын бүтэрэн, Бүлүү оройуонун I Күүлэт орто оскуолатыгар география учууталынан үлэтин саҕалаабыта.
1980-1992 сс. Сунтаар 1 №- дээх орто оскуолатыгар үлэлээбитэ.
1992 сылтан Сунтаардааҕы политехническай лицейгэ география учууталынан үлэлиир.
Валентина Петровна 5 кылаас оҕолоругар аналлаах «Сунтаар - мин дойдум» үөрэтэр-методическай комплект ааптардарыттан биирдэстэрэ. 2008 с. Л. И. Гаврильевалыын оҥорбут электроннай учебниктара «Учебно- методическое обеспечение - электронные ресурсы в современной школе» бүтүн Россиятааҕы күрэххэ «За лучшую учебно-методическую разработку» диэн номинациянан бэлиэтэммитэ[1]
Наҕараадалара, ытык ааттара уларыт
- РФ уопсай үөрэхтээһин бочуоттаах үлэһитэ,
- Саха Өрөспүүбүлүкэтин үөрэҕириитин туйгуна
- РФ президенин Гранын хаһаайына
- РФ наукаҕа уонна үөрэҕириигэ министерствотын бочуотунай грамотата
- “Хрустальный глобус» Саха сирин географтарын анал бэлиэтин хаһаайына[1]