Бату хаан

Батый (Бату) (монг. Бат хан; 1209 с. эргин — 1255/1256) — Монгуол импиэрийэтин полководеһа уонна судаарыстыбатын диэйэтэлэ, Джучи уола, Чыҥыс Хаан сиэнэ. 1227 сыллаахха Джучи өлбүтүн кэннэ Джучи улууһун (Алтан Ордууну) баһылаабыта, эһэтэ Чыҥыс Хаан өлбүтүн кэннэ иккис сүһүөх сыдьааннарыгар аҕа быһыытынан билиниллибитэ.

1235 сыллааҕы Курултаай быһаарыытынан Батууга хотугулуу-арҕаа сытар сирдэри сэриилиир сорудах бэриллибитэ. Половецтары, Волга Булгариятын, нуучча княжестволарын, Польша хоруоллугун, Венгрия уонна Далмация хоруоллугун утары бохуоттары салайбыта.