Бикипиэдьийэ:Марафон «Чинчийээччи»

Кылгас сигэ-утаарыы
БП:Marathon 2012-13

Кылгастык уларыт

 
Тиһэх түмүк таҕыста! Аллара көр.
Саҥа дьыллааҕы өрөбүллэргэ бу тиһиккэ киирбит учуонайдар тустарынан ыстатыйа суруйабыт. Кыттыҥ!

Суруйуу түмүгүнэн үс саамай дьаныардаах, саамай көхтөөх кыттаачыга бириис биэриэхпит. Бастакы бириис - электроннай кинигэ (риидэр), иккис-үһүс миэстэҕэ - мобильнай модем. Ону таһынан кыттыбыт дьоҥҥо барыларыгар сэртипикээт уонна кырачаан бэлэх туттарыллар .

Ыстатыйаны саҕалыырга кыһыл сигэлээх ааты баттаа. Суруйарга 2010 сыллаахха тахсыбыт биографическэй ыйынньыгы туһаныаххытын сөп. Ол манна эбэтэр манна баар (хачайдаан ылан да, ситим-сиргэ бэйэтигэр да, учуонайдар тустарынан ыстатыйалары булуохха сөп). Атын да источниктары туттар, биллэн турар, көҥүллэнэр.

Күндү кыттааччылар, кэлбит Саргылаах Саҥа 2013 дьылынан! уларыт

Саҥа дьылы көрсө күрэс биллэрэбит. Толору аата "«Чинчийээччи» Биики Марафон ". Күрэс соруга - Эргэ Саҥа Дьылга дылы бикипиэдьийэҕэ Саха сирин бастакы ноуучунай тэрилтэтин - Гуманитарнай чинчийии институутун - чинчийээччилэрин тустарынан ыстатыйалары суруйуу.

Усулуобуйата уларыт

Эргэ Саҥа Дьылга дылы хаалбыт хонуктарга бу тиэмэҕэ саамай элбэх ыстатыйаны суруйбут, эбэтэр көннөрүүнү-тупсарыыны оҥорбут үс кыттааччыга "«Чинчийээччи» Биики Марафон кыайыылааҕа" диэн бочуоттаах сыбаанньа иҥэриллэр уонна аналлаах виртуальнай бэлиэ (мэтээл) бэриллэр. Кыайыылаахтары үһүөннэрин сыаналаах бириис кэтэһэр.

  • Бастакы миэстэ — риидэр (электроннай кинигэ)!
  • Иккис миэстэ — биир ый интэриниэттээх мобильнай модем.
  • Үһүс миэстэ — биир ый интэриниэттээх мобильнай модем.

Кыттааччылар — бүрэкирээттэн ураты ханнык баҕарар бэлиэтэммит кыттааччы кыттыан сөп. Бэлиэтэнэ илик буоллаххына билигин бэлиэтэн!

Хас биирдии кыттааччыга — Кыттыбытын иһин Сэртипикээт!!![1]

Болҕойуҥ уларыт

  1. Дьокуускайга олорооччулар бэйэҕит кэлэн ылаҕыт, оттон атыттар куоракка баар бэрэстэбиитэлгитин ыытыаххытын сөп, бириистэр почтанан ыытыллыбаттар.

Ыстатыйаҕа ирдэбиллэр уларыт

Биллэн турар бу икки хонук иһигэр соҕотох да үчүгэй ыстатыйаны суруйар күчүмэҕэй. Онон ыстатыйа хаачыстыбатын улаханнык көрө сатыахпыт суоҕа. Барыта сахалыы буолуохтаах. Ол эрэн саха буукубаларын кодировкатын эргэнэн суруйар, уонна нуучча буукубаларынан солбуйар (холобур Һ буукубаны Ь) көҥүллэнэр (марафон кэнниттэн көннөрүөххүт диэн эрэнэбит). Кээмэйэ 2000 баайт ыйааһынтан бөдөҥ буолуохтаах, икки ис сигэттэн итэҕэһэ суох сигэлээх буолуохтаах (суох ыстатыйаҕа сигэммит да буоллун). Источнига ыйыллыбыта булгуччу ирдэммэт, ол эрэн ыйа сатаарыҥ.

Ыстатыйа ахсаана, суруйуу сиһилиитэ, истиилэ уонна ыстатыйа атрибууттарын туруоруу (холобур, викификация, ис-тас сигэлэр бааллара), киэргэтии (ойуулааҕа, салааларга арахсара) учуоттанар.

Болдьоҕо уларыт

Күрэс Дьокуускай кэминэн тохсунньу 3 күнүн сарсыарда 10 чааһыттан саҕаланар уонна Эргэ Саҥа дьыл киэһэ, ол аата тохсунньу 14 күнүгэр, түүн 24 чааска (эмиэ Дьокуускай кэминэн) түмүктэнэр. Бу болдьох иһигэр суруллубут эбэтэр тупсарыллыбыт ыстатыйалар күрэскэ кытталлар. Кытаатыҥ!!!

Сүбэ: Урут ыстатыйа суруйбатах буоллаххына маны көр: Бастакы хардыылар, Ыстатыйаны ааттааһын уонна Кыттааччыларга сүбэлэр.

Түмүк уларыт

Түмүгү дьаһабыл оҥорор.

Быыһык түмүк уларыт

Күрэспит ситиһиилээхтик түмүктэннэ.
Көннөрүүлэр, саҥа ыстатыйалар, ыстатыйалар устуоруйаларын уонна биирдиилээн кыттааччылар сурунаалларын көрүү кэнниттэн маннык буолла.
Дьокуускай кэминэн 2013 сыл тохсунньу 3 күнүн 10 чааһыттан тохсунньу 14 күнүн 24 чааһыгар дылы сурунааллар ырытыннылар.

Сүрүн аат далыгар 106 саҥа ыстатыйа эбилибит.
Сүрүн аат далыгар буоттары аахпатахха 25 (17 бэлиэтэммит, 8 IP) кыттааччы уларытыы оҥорбут.

Олортон саҥа ыстатыйалары 13 (10 бэлиэтэммит, 3 IP) кыттааччы суруйбут. Күрэс усулуобуйатыгар онтон 73 саҥа ыстатыйа сөп түбэспит (атыттар атын тиэмэҕэ суруллубуттар). Ону тэҥэ тиэмэҕэ сөп түбэһэр уруккуттан баар 7 ыстатыйа тупсарыллыбыт.

Күрэскэ онон кыттарга сөп түбэспиттэр: 8 ааптар (7 бэлиэтэммит, 1 IP).

Бастакы миэстэни 55 саҥа ыстатыйаны суруйбут WWW диэн кыттаачыбыт ылла.
Иккис миэстэ - 7 ыстатыйалаах - Егорка Николаев.
Үһүс - Ykt www (6 ыстатыйа).
Төрдүс - Ketiris (3 ыстатыйа).

Бэһис уонна алтыс миэстэни биирдии ыстатыйаны суруйбут Егор Николаев уонна Хаҥастай ыллылар. Өссө икки кыттааччы баар ыстатыйалары тупсарыынан муҥурдаммыттар.

Сүрүн аат далыгар бу кэмҥэ барыта 490 уларытыы оҥоһулунна (HalanTul уонна роботтар уларытыыларын аахпатыбыт). Сорох уруккуттан суруйар кыттааччылар (Сур Бөрө, TumatUola, Ketiris уонна Sanda:r уо.д.а.) күрэскэ кытта сатаабаккалар атын тиэмэлэргэ суруйдулар. Бу дьоҥҥо туспа этэн туран махталбытын тиэрдэбит!

Мин билэрбинэн WWW уонна Ykt www диэн ааттарынан биир киһи суруйбута. Аан бастаан биир аатынан, онтон киирии тылын умнан кэбиһэн атын аатынан. Бу бэлиэтэммит ааттар тус сирэйдэригэр маны бигэргэтэр туһунан биллэрии угуохпут. Онон бүтэһиктээх түмүк кэлин, бу бигэргэммитин кэннэ оҥоһуллуо. Маны таһынан бу сурук бэчээттэммитин кэннэ 3 суукка иһигэр тургутуу үлэтэ барыахтаах. Бу болдьоххо ааҕыы сыыһатын булбут ханнык баҕарар киһи миэхэ эбэтэр манна суруйуохтаах. Ол кэнниттэн түмүк бүтэһиктээҕинэн ааҕыллар, уларытыллыбат.

Бүтэһиктээх түмүк тахса илик да буоллар, улахан атыылаах кыайыыны WWW кыттааччы ситиспитэ туох да эҥкилэ суох чуолкайдык көстөр. Онон киниэхэ электрон кинигэни ааҕар тэрил - риидэр - туттарыллыа (хайыы-үйэ атыылаһыллан, сахалыы кинигэни угары кэтэһэ сытар) уонна Бигэ Сурук бэриллиэ. Эҕэрдэ! Хаһан, ханна туттарар туһунан этиилэргитин кэтэһэбин. Атын кыттааччылары эмиэ бириистэр уонна Бигэ Суруктар кэтэһэллэр.

Тиһэх түмүк тахсыбытын кэннэ пресс-релиз суруйуохпут. Онно эмиэ кыттаарыҥ! --HalanTul (ырытыы) 01:55, 18 Тохсунньу 2013 (UTC)[хоруй]

Тиһэх түмүк уларыт

Кыттааччы WWW уонна Ykt www биир киһи буолара бүгүн бигэргэтилиннэ (маны көрүөххүн сөп). Онон Саха Бикипиэдьийэтин Саҥа дьыллааҕы «Чинчийээччи» күрэс кыайыылаахтарынан буоллулар:

Бастакы миэстэни 61 саҥа ыстатыйаны суруйбут Ykt www (WWW) диэн кыттаачыбыт ылла.
Иккис миэстэ - 7 саҥа ыстатыйалаах - Егорка Николаев.
Үһүс - Ketiris (3 саҥа ыстатыйа уонна хас да баар ыстатыйаны тупсарыы).

Кыайыылаахтары бары бикипиэдьийэһиттэр ааттарыттан итиитик-истиҥник эҕэрдэлиибин! Саха омук кэскилигэр туһуланар, тылы көмпүүтэр эйгэтигэр киллэрэн үйэлээх үгэстиир дьаныардаах үлэҕит иһин махтанабын! Эһиги суруйбут ыстатыйаларгыт кимиэхэ эрэ туһа аҕала тураллар уонна инникитин да хайаан да туһалыахтара. Маннык, Эһиги курдук, биир-биэс харчыта суох үлэлиир дьон баар буоланнар, бикипиэдьийэ көҥүл-аһаҕас билиини дьоҥҥо тарҕата туруоҕа диэн эрэнэбин! Бары үтүөнү, киэҥ кэскили, уолбат ойбону! Бырайыак сүрүн дьаһабыла (бүрэкирээтэ) --HalanTul (ырытыы) 07:18, 30 Тохсунньу 2013 (UTC)[хоруй]

Пресс-релиз суруйарга кыттыҥ. Барыла манна баар.