Бүлүү улууһун өрөгөйүн ырыата

«Туругур, төрөөбүт Бүлүүбүт!»Бүлүү улууһун өрөгөйүн ырыата, улуус ытык бэлиэтэ.
2003 сыллаахха бэс ыйын 18 күнүгэр Бүлүү улууһун Мунньаҕын 37 №-дээх «Об утверждении Положения о Гимне муниципального образования „Вилюйский улус (район)“ Республики Саха (Якутия)» Быһаарыытынан бигэргэтиллибит.[1]

Ырыа ис хоһооно уларыт

Ырыа тыла уларыт

Туругур, төрөөбүт Бүлүүбүт!
Бастакы кэрчигэ

Былыргы быданныыр ол бырах кэмнэртэн
Биһиги Бүлүүбүт аар саарга аатырар,
Бу манна бар дьоммут үтүмэн үлэттэн
Байылыат, баай талым олоҕу уһанар.

Хос ырыата

Туругур, төрөөбүт Бүлүүбүт —
Төрүөттээх бу дьолбут, үөрүүбүт
Түөрэҕэ бигэтик олорбут —
Тускулу тутуспут дойдубут!

Иккис кэрчигэ

Улууһу чаҕылхай үс хотой дьоруойуҥ
Улуукан ааттара дойдуга аатырдар,
Килбиэннээх үлэҕэ Сулустаах дьонноруҥ
Кыайыыта инники кэккэҕэ ыҥырар.

Үһүс кэрчигэ

Бүлүүнү ааттата күөх уоппут итиитэ
Бүгүҥҥү Сахабыт Сиригэр тарҕанар,
Уон омук түмсүбүт эрчимнээх үлэтэ
Уостубат уоҕунан бу манна тыыннанар.

Төрдүс кэрчигэ

Кэлэр кэм аатыгар саргылаах суолунан,
Кэскилбит туһугар саҥалыы күүһүнэн
Үлэһит Бүлүүбүт далааһын үйэҕэ
Үүнүүгэ-сайдыыга дабайан иһиэҕэ.





































Ырыа ааптардара уларыт

Ырыа тылын Бүлүү улууһун олохтооҕо Родион Еремеев суруйбут.[2]

Быһаарыылар уларыт