Владимировка

Владимировка диэн Дьокуускай куорат муниципалитетын Хатас нэһилиэгэр баар сэлиэнньэ.

Владимировка куйаартан көстүүтэ

Куораттан 21 км. Покровскайдыыр суолунан. Олохтоохторо 191 киһи (2007 сыл).

Сэбиэскэй кэмҥэ Хатас совхоз салаата этэ. Билигин чааһынай тыа хаһаайыстыбалар.

Сүрүн дьарыктара - оҕуруот аһа уонна сүөһү.

Устуоруйаттан

1897 сыллаахха Енисей күбүөрүнэтин Минусинскай уеһыттан хас да ыал көһөн кэлэн манна олохсуйбуттара.

Кинилэри Саха уобалаһын оччотооҕу күбүрүнээтэрэ Скрипицын В.Н. ыҥырбыт.

Кинилэр хлыстар сектэлэрин дьоно эбиттэр. Олохсуйаат бурдук ыһыытынан уонна сүөһү иитиинэн дьарыктаммыттар. Мыраан анныгар тыал эргитэр мэлиэһэ туппуттар.

Дэриэбинэҕэ атын сирдэртэн нууччалар олохсуйа кэлэллэр, холобура Павловскайтан.

Ылыллыбыт сирэ

Энциклопедия Якутии, М., 2000 г.