Гаврилов Кузьма

Кузьма Гаврилов - Бүтэйдээх нэһилиэгин киһитэ, олох оҕо эрдэҕиттэн спордунан, физкультуранан дьарыктаммыт кыахтааҕынан биллибит киһи, Саха сиригэр бастакы спортплощадканы туппут киһинэн биллэр.

2 илиитигэр 2 бууттаах 2-лии гиряны өрө анньара. Гиряны ыраах быраҕыыга дьарыктаммыт. Үчүгэйдик харбыыра. Хоптолооҕу, Орто эбэни, Юмшанов, Үрүҥ күөллэри, Хатыыстыыр боротуоканы холкутук туоруура үһү.

Саахыматынан, дуобатынан, биллиардынан дьарыктаммыта. Москубаҕа олорон саахымакка улахан күрэхтэһиилэргэ кыттыбыт. Эдэригэр хапсаҕайга дойдутугар үчүгэйдик тустар эбит. Кууска уола Ларионов эрэ тэҥҥэ киирсэрэ диэн ахтыллар. К.О. Гаврилов 1912 с. Бүтэйдээх оскуолатыгар Саха сиригэр бастакы спортплощадканы бэйэтэ былааннаан, бэйэтэ уһанан тутан биэрбит.