Гостиница сиэрбиһин өҥөтө

Гостиница диэн киһи аҕыйах кэмҥэ олороругар анаммыт тэрилтэ. Бу тэрилтэ үчүгэйдик улэлиирин туһугар ыалдьытымсах быһыы улахан оруолу оонньуур. Ыалдьытымсах быһыы гостиница олохтооҕор санаатын, толкуйун уруһуйдууругар улахан кѳмѳну оҥорор. Ыалдьытымсах быһыы сүрүн сыалынан ыалдьыт баҕа санаатын, ирдэбилин толоруу буолар. Гостиница киһи олороругар сѳптѳѳх, толору миэбэлинэн хааччыйыллыбыт, аччаабыта биэс хостоох буолуохтаах. Хостор 4 сүрүн бѳлѳххѳ арахсаллар: Сюит – 75 кв. м. кырата суох хос, 3 эбэтэр онтон элбэх олорор хостоох нүѳмэр. Апартамент – 40 кв. м. кырата суох, 2 эбэтэр онтон элбэх олорор хостоох уонна кухоннай тэриллээх нүѳмэр. Люкс – биир киһиэхэ 35 кв.м. кырата суох иэннээх нүѳмэр. Студия – 25 кв.м. иэннээх биир хостоох нүѳмэр.

Гостиница сиэрбиһин сүрүн ѳҥѳлѳрүнэн хостору броньнааһын, ыалдьыттар кѳрдѳһүүлэрин толоруу, ыалдыттары кѳрсүү уонна тѳлѳбүрдэрин ылыы, ону кытары хосторугар дылы атааран биэрии буолаллар. Гостиница улэһиттэрэ икки таһымынан арахсаллар: Бастакы таһымҥа ыалдьыты кытта ыкса ситимнэһэ сылдьар үлэһиттэр киирсэллэр. Холобура, администратор буолуон сѳп. Онтон гостиница олохтоо5ун кытта ситимнэспэт үлэ персонала иккис таһымҥа киирсэр. Маннык таһымынан арахсыы гостиница үлэтигэр даҕаны, үлэһиттэригэр даҕаны улаханнык ирдэнэр. Персонал сүрүн ирдэбиллэрэ: этиканы билии, тутуһуу; кэпсэтии психологиятын бас билии; үчүгэй быһыы – майгы; сэбэр тас костүү; омук тылын билии; сааһыгар хааччахтааһын баар буолаллар. Гостиница ѳҥѳлѳрүн оҥоруу уонна олоххо киллэрии: 1. Ыалдьыты олохтооһун сулууспатын кытта ыалдьыт аан маҥнайгынан билсиһэр. Бу сулууспа броньнааһыны, ыалдьыты бэлиэтээһини, иһитиннэрии биэриини уонна ыалдьыт тахсан барарыгар ороскуотун суоттаан оҥорон биэрэр. Манна сүрүн үлэни администратор оҥорор. Портье ыалдьыкка хоһун күлүүһүн биэрэргэ уонна харайарга эппиэттиир. Онтон оператор ыалдьыт ѳҥѳтүн тѳлѳбүрүн сѳпкѳ тѳлѳѳн иһэрин кэтиир. Ону кытары паспортнай остуол үлэһитэ ыалдьыт пааспарын дааннайдарын бэрэбиэркэлиир. Ол кэннэ гостиница үлэһитэ эбэтэр администратор ыалдьыты нүѳмэригэр дылы атааран биэрэр.

Ыалдьыты кѳрсүү икки кѳрүҥҥэ арахсар: - аэропортка эбэтэр вакзаалга. - гостиница киирии ааныгар эбэтэр вестибюлга. 2. Миэстэ уонна хос броньнааһын ѳҥѳтѳ ыалдьыкка саамай бастакы ѳҥѳ буолар. Гостиница сиэрбиһин ѳҥѳтѳ барыта бу ѳҥѳттѳн саҕаланар. θскѳтүн ыалдьыт хоһун тѳлѳпүѳн нѳҥүѳ броньнуур буоллаҕына гостиница үлэһитэ хайаан даҕаны ыалдьыкка улахан болҕомтотун ууран туран кэпсэтиэхтээх. Хаһан ба5арар бу кэпсэтииттэн саҕалаан ыалдьыт гостиница туһунан санаатын сааһылаан саҕалыыр. Гостиница хас категориялааҕа сулуһуттан кѳрѳн биллэр. Онтуката гостиница тѳһѳ комфортааҕа уонна тѳһѳ элбэх ѳҥѳнү биэрэрин бэлиэтиир. Аан дойду гостиницалара маннык сүрүн бириинсиптэри тутталлар: 1. Ыалдьыкка хайаан даҕаны тѳһѳ кыалларынан элбэх ѳҥѳ буор босхо бэриллиэхтээх. 2. Ыалдьыт наадыйар маллара барыта гостиница иһигэр атыыга баар буолуохтаах. 3. Гостиница миэстэтэ барыта харчы киллэриэхтээх.

Туһаныллыбыт литература: 1. Третьякова, Т. Н. Сервисная деятельность: учебное пособие – Москва: Академия, 2010. – 304с. 2. Лойко, О.Т. Сервисная деятельность: учебное пособие – Москва: Академия, 2008. – 304с. 3. Руденко, Л.Л. Сервисная деятельность – Москва: Дашков и Ко, 2013. – 208с.