Гурааннар

Гурааннар — Байкаалтан илин диэки олохтоох нууччалар, бүрээттэр, эбэҥкилэр, моҥгуоллар, даурдар, маньчжурдар булкуһууларын түмүгэр үөскээбит дьон бөлөҕө.

Ааттарын үөскээһинэ

Гуран диэн бүрээт тылыгар атыыр туртаһы ааттыыллар.

Тоҥус-маньчжур тылларыгар гуран диэн "киһи" диэн суолталааҕа биллэр. Холобур нанаай тылыгар киһини "гурун" дииллэр.

Омуктар булкуһуулара хайдах буолбута

Нууччалар бүрээттэри уонна эбэҥкилэри кытта биир сиргэ олорон буккуһан, антрополология, олох-дьаһах, култуура өттүгэр хардарыта сабыдыаллаһаллара. Ол эрэн тылларын уонна омук быһыытынан өйдөрүн-санааларын тутан хаалаллара. Олохтоох омуктар нууччалартан үөрэнэн сир оҥоруутугар сысталлара. Ол түмүгэр Байкаалтан илин диэки үс омук булкуһан, нууччалыыта баһыйар "гураан" диэн ааттаах туспа дьон бөлөҕө үөскээбит.