Густав Ми

Ми Густав Адольф Феодор Вильгельм Людвиг (1869 сыл балаҕан ыйын 29 — 1957 сыл олунньу 13) — диэн электродинамикаҕа үлэлэрдээх ниэмэс физига.

Ми Густав
Густав Адольф Феодор Вильгельм Людвиг Ми
Төрөөбүтэ	1869 сыл балаҕан ыйын 29 Росток, Германия
Өлбүтэ	1957 сыл олунньу 13 Фрайбург, Германия
Олорбут сирэ	Германия Германия
Nationality	ниэмэс
Эйгэлэрэ	физик
Үлэлээбит сирдэрэ	Грайфвальд университета Халле-Уиттенбург университета Фрайбург университета
Үөрэммит сирэ	Росток университета Гайдельберг университета Гөттиҥен университета
Үлэлэрэ	Ми тарҕаныыта
Итэҕэлэ	протестант

Олоҕун олуктара

Ми Росток куоракка төрөөбүтэ. 1886 сыллаахтан Росток университетыгар физиканы уонна математиканы үөрэппитэ. Ону тэҥэ химияҕа, зоологияҕа, геологияҕа, минералогияҕа, астрономияҕа уонна логиканы кытта метафизика лекцияларын истибитэ. 1889 сыллаахха Хейдельберг университетыгар үөрэҕин салҕаабыта уонна 22 саастааҕар математика билимин доктора буолбута.

1897 сыллаахха кини Гөттиҥен университетыгар доцент буолбута, уонна 1902 сыллахха штата суох профессор буолбут. 1917 сыллахха Мартин Лютер Халле-Виттенберг университетыгар экспериментальнай физика профессора буолбут. 1924 сыллахха Фрайбург университетыгар профессор буолбут уонна 1935 сыллаахха пенсияҕа тахсыар дылы үлэлээбит.

Фрайбургка, нацистар былааска баар эрдэхтэринэ университетка "Фрайбург Крайс (Фрайбург төкүнүгэ)" оппозиционнай кружок олохтообут, уонна Фрайбург консульство чилиэнэ этэ.

1957 сыллахха Фрайбургка өлбүт.

Чинчийиилэрэ

Грайфвальдка сылдьар бириэмэтигэр электромагнитнай долгун тарҕаныытын чинчийбитэ. 1908 сыллаахха үлэтин Аннален де Физик диэн сурунаалга "Өлбөөркөй эйгэҕэ электромагниттар тарҕаныылара" бэчээттээбит. Ми тарҕаныыта диэн билигин даҕаны кини аатынан ааттанар. Электродинамика уонна относительность теориятыгар чинчийиилэрэ олус улахан кылааты киллэрбиттэрэ.

Чинчийиилэрэ

• Moleküle, Atome, Weltäther. Teubner-Verlag, 1904
• Lehrbuch der Elektrizität und des Magnetismus. F. Enke, 1910; Enke-Verlag, 1943; Enke-Verlag, 1948
• Die geistige Struktur der Physik. Gütersloh, 1934
• Die göttliche Ordnung in der Natur. Furche-Verlag, 1946
• Die Grundlagen der Mechanik. Enke-Verlag, 1950
• Beiträge zur Optik trüber Medien, speziell kolloidaler Metallösungen. Annalen der Physik, Vierte Folge, Band 25, 1908, No. 3, pp. 377–445. Link: http://diogenes.iwt.uni-bremen.de/vt/laser/papers/Mie-Beitrag-zur-Optik-AnnalenPhysik1908.PDF Архыыптаммыт 2003, Тохсунньу 29 күнүгэр.