Дьаархан оскуолата

Дьаархан оскуолата - Сунтаар улууһун Дьаархан нэһилиэгин оскуолата.

УстуоруйатаПравить

1936 сыллаахха Тээттиир диэн сиргэ аһыллыбыта. Оскуолаҕа Чуукаартан, Маар-Күөлтэн, Аччыгый Торбостон, куоһаантан, Оҕус Арыылааҕыттан уонна да атын сирдэртэн оҕолор кэлэн үөрэнэллэрэ. Тэрийээччи учуутал Афанасий А. Лазаревнэһилиэк онон-манан бытанан олорор ыалларын сатыы кэрийэн маҥнайгы кылааска 42 оҕону ылбыта. Бастакы выпуск 1943 с. буолбута, онно 7-с кылааһы 23 оҕо бүтэрбитэ. Бастакы учуутал уонна дириэктэр А.А. Лазарев уонна өссө 5 учуутал Аҕа дойду сэриитигэр баран өлбүттэрэ, барбыттартан соҕотох А.Е. Макаров тыыннаах эргийэн кэлбитэ.

1954 с. бытархай түөлбэлэр холбоһууларыгар оскуоланы Оҕус Арыылааҕар Дьаархаҥҥа көһөрбүттэрэ.

1971-2001 сылларга оскуоланы Степанов Виктор Семенович диэн дириэктэр салайбыта. Бу саҕана икки мэндиэмэннээх оскуола, алын сүһүөх кылаастар үөрэнэр дьиэлэрэ, мастарыскыай уонна энтузиаст учуутал А.Д. Неустроев көҕүлээһининэн чэпчэки атлетика манеһа тутуллубуттара.

Бу оскуоланы бүтэрбит биллиилээх дьонПравить

  • Аммосов Алексей А. - Саха АССР үтүөлээх геолога, Мииринэй куорат Ытык олохтооҕо, 58 карааттаах алмааска аата иҥэриллибит киһи
  • Яковлева Е.Н. - алмаас бырамыысыланнаһын бэтэрээнэ, Саха АССР Үрдүкү Сэбиэтин дьокутаатынан 2 төгүл талыллыбыт киһи, Мииринэй куорат Ытык олохтооҕо
  • Тимофеев Н.Г. - РСФСР үтүөлэх юрииһа
  • Тихонова О.Д. - Саха АССР үтүөлээх бырааһа[1].

БыһаарыыларПравить

  1. Учуутал аргыһа, 15.12.2011, 25 (488)№, Үүнүү-сайдыы суолунан, И.Г. Федоров