Елабугатааҕы Казань Богородицатын манастыыра

Елабугатааҕы Казань Богородицатын манастыыра.

Елабугатааҕы Казань Богородицатын манастыыра - Нуучча православнай сыаркабын Казанскай епархиятын үлэлии турар дьахтар манастыыра. Татарстан Елабуга куоратыгар, кырдьаҕас куорат чэрчитигэр, Горькай аатынан уулуссаҕа турар. 1856 с.дьахтар общинатын быһыытынан төрүттэммит. Манастыыр аатын 1868 с. ылбыт. 1920 с.(Татарскай АССР төрүттэммит)диэри Елабуга Вятскай губернияҕа, ол аата, Вятскай епархияҕа киирэр этэ. Өрөбөлүүссүйэ иннинэ, Елабуга манастыыра, епархия улахан манастыыра этэ(1900 с. - 273 монахинялары кытта послушницалар олорбуттара). Манастыырга оскуола, ону таһынан, золотошвейнай уонна живописнай мастарыскыайдар бааллара. Манастыырга сүрүннээн көмөлөһөөччү И.И.Стахеев, манастыыр туһатыгар, 1856-1868 сс., мөлүйүөнтэн тахса солкуобайы биэрбитэ. Ити ураты улахан көмө үбүлээһининэн манастыырга: түөрт муннуктаах кирпииччэ аҕырааданнан төгүрүтүллүбүт 4 хараам, колокуонньа уонна 6 улахан олорор уонна хаһаайыстыбаннай куорпустар тутуллубуттара. Хараам өрөбөлүүссүйэ кэнниттэн үрэйиллибитэ. 2007 сылтан бүтүннүү чөлүгэр түһэрии саҕаламмыта. 2012 с. алтынньы 31 күнүгэр хараамы Казань уонна Татарстан митрополита Анастасий сибэтии гыммыта.1918 с. манастыырга репрессиялар саҕаламмыттара. 1928 с. сабыллыбыта. 1995 сылтан саҥаттан тэриллибитэ. 1998 с.диэри Казанскай епархияҕа соҕотох дьахтар манастыыра этэ. 2000 сыл саҕаланыытыгар манастыырга 20 монахиня уонна настоятельница - игуменья Вера(Шевченко) бааллара. Манастыырга икки хараам: дьоҕус - великомученица Варвара(1887) киэнэ, уонна улахан - Казань Богородицатын иконатын аатыгар, урусхалламмыт оннугар тутуллубут. Манастыырга чөлүгэр түһэрии уонна реставрациялааһын үлэтэ бара турар. 2019 с. манастыыр иһигэр "Дом Веры" диэн ааттаах түмэл арыллыбыта. Онно, манастыыр олоҕун барытын туһунан кэпсэнэр. Ити иннинэ, манастыыр, "Сохранение исторической памяти" диэн номинацияҕа бэрэсидьиэн гранын ылбыт. Гран харчытыгар түмэл арыллыбыт уонна 2018 с.манастыыр арыллыбыта 150 сылын бэлиэтиир тэрээһиннэргэ туттуллубут. https://ru.m.wikipedia.org/wiki/%D0%95%D0%BB%D0%B0%D0%B1%D1%83%D0%B6%D1%81%D0%BA%D0%B8%D0%B9_%D0%9A%D0%B0%D0%B7%D0%B0%D0%BD%D1%81%D0%BA%D0%BE-%D0%91%D0%BE%D0%B3%D0%BE%D1%80%D0%BE%D0%B4%D0%B8%D1%86%D0%BA%D0%B8%D0%B9_%D0%BC%D0%BE%D0%BD%D0%B0%D1%81%D1%82%D1%8B%D1%80%D1%8C https://m.vk.com/monastirelabuga