Ефимова Людмила Степановна

Ефимова Людмила Степановна — филология билимин доктора, профессор. 1956 сыллаахха от ыйын 23 күнүгэр Сунтаар улууһун Маар-күөл сэлиэнньэтигэр төрөөбүтэ. 1971 с. Маар-күөллээҕи аҕыс кылаастаах оскуоланы уонна 1973 с. Элгээйи орто оскуолатын бүтэрбитэ. 1976 сыллаахха Москва куоракка ЦК ВЛКСМ Хомсомуол үрдүкү оскуолатыгар туттарсан киирбитэ уонна 1980 сыллаахха ситиһиилээхтик бүтэрбитэ. История учуутала уонна ыччаты иитиигэ методист квалификациятын ылынан ол сыл дойдутугар эргиллэн кэлбитэ.

• 1980-1981 сс. ВЛКСМ Обкуомун инструкторынан үлэлии сылдьан Абый оройуонун ВЛКСМ оройуоннааҕы комитетын бастакы сэкэрэтээринэн талыллыбыта.
• 1982-1996 сс. Дьиэ-кэргэн, оҕо-уруу тэринэн, төрөөбүт нэһилиэгэр - Маар-күөлгэ история учууталынан уонна завуһунан үлэлээбитэ.
• 1994-1996 сс. СГУ саха тылын уонна култууратын факультетыгар Культуролог идэтигэр үөрэммитэ. Иккис үрдүк үөрэҕин ситиһиилээхтик бүтэрэн, 1996 сыллаахтан күн бүгүҥҥэ диэри М.К.Аммосов аатынан Хотугулуу-илиҥҥи Федеральнай Университет Арассыыйа Федерациятын Хотугулуу-илиҥҥи норуоттар тылларын уонна култуураларын үнүстүүтүгэр Культурология хаапыдыратыгар национальнай култуура уһуйааччытынан үлэлии сылдьар.
• 2004 сыллаахха «Лексико-стилистические особенности языка хороводных песен якутов» диэн диссертациятын көмүскээн, филология билимин хандьыдаата буолбута.
• 2007-2011 сс. ХИФУ устудьуоннарын фольклорнай экспедицияларын салайбыта. Ол сырыыларыгар түүр-монгол норуоттарын эпическэй айымньыларын уонна фольклордарын үөрэппиттэрэ. Сылдьыбыт сирдэрэ: Алтай, Тыва, Хакасия, Бурятия, Башкортостан, Татарстан, Чувашия, Калмыкия Өрөспүүбүлүкэлэрэ.
• 2013 сыл балаҕан ыйын 30 күнүгэр «Якутский алгыс: специфика жанра, поэтика» диэн тимэннэн диссертациятын көмүскээн, филология билимин дуоктара истиэпэни ылары ситиспитэ. 2014 сыл муус устар 1 күнүгэр Фольклористика исписээлинэһигэр филология билимин дуоктара истиэпэн бигэргэммитэ.