Жирков Егор Петрович

Жирков Егор Петрович — бэлиитик, түмэт дьайыксыт, педагогика билимин дуоктара.

Жирков Егор Петрович

Олоҕун олуктара

• 1954 сыллаахха бэс ыйын 10 күнүгэр Уус-Алдан улууһун Байаҕантай нэһилиэгэр Тандаҕа төрөөбүтэ.
• 1971 с. Уус-Алдан Мүрү орто оскуолатын бүтэрбитэ.
• 1976 с. СГУ физико-математическай факультетын бүтэрбитэ.
• 1978—1982 сс. учууталлар идэлэрин үрдэтэр республикатааҕы институт (ЯРИУУ) методиһа.
• 1982—1985 сс. Москва ССРС педагогическай наукаларын академиятыгар математиканы чинчийэр институт аспирана.
• 1985—1990 сс. СГУ математиканы үөрэтиигэ методика кафедратын преподавателэ, сэбиэдиссэйэ.
• 1990—1991 сс. Саха Өрөспүүбүлүкэтин үөрэҕин миниистирин солбуйааччы.
• 1992—1994 сс. Саха Өрөспүүбүлүкэтин үөрэҕин миниистирэ.
• 1990—1992 сс. Саха Республикатын конституционнай хамыыһыйатын анал бөлөҕүн салайааччы.
• 1994—1996 сс. Арассыыйа Государственнай Дууматын дьокутаата.
• 1996 с. Президент программатын олоххо киллэрии Департаменын салайааччы.
• 1997—2002 сс. Ил Түмэн Өрөспүүбүлүкэ палататын народнай депутата.
• 1997—1998 сс. «Сахазолото» ФПК дириэктэрин солбуйааччы.
• 1998—1999 сс. Өрөспүүбүлүкэ Президенин Дьаһалтатын салайааччы.
• 1999—2000 сылларга Москубаҕа Арассыыйа Президенигэр Саха Өрөспүүбүлүкэтин бастайааннай бэрэстэбиитэлэ.
• 2000 сылтан «Сарыылаах-Сурьма» хайа-промышленнай тэрилтэ генеральнай дириэктэрэ.
• 1985 с. педагогическай наука кандидата. 1993 с. педагогическай наука доктора.

Наҕараадалара уонна ытык ааттара

Cаха Өрөспүүбүлүкэтин норуотун хаһаайыстыбатын үтүөлээх үлэһитэ

Сигэлэр

«Ийэ тыл» көҥүл түмсүү 12 сыла. Ред. Т. И. Петрова. — Дьокуускай, 2007