Ирина Никифорова

Ирина Афанасьевна Никифорова — Саха сирин үтүөлээх артыыската, Былатыан Ойуунускай аатынан Саха академическай тыйаатыр артыыската, тыйаатыр уонна киинэ артыыската.

_{Олоҕун олуктара}

Ирина Никифорова төрөөбүт көмүс биһигэ Амма улууһун кытыы алааһа Эмис диэн, сахаҕа үтүө үһүйээн буолбут ырыаһыт Катя Захарованы,

норуодунай бэйиэт Күннүк Уурастыырабы биэрбит ытык сир.

• 1996 сыллаахха Саха Өрөспүүбүлүкэтин култуура уонна ускуустуба кэллиэһин бүтэрбитэ (маастардара - Е.Н. Степанов, С.П. Федотов),
• 2007 сыллаахха Илиҥҥи Сибиирдээҕи култуура уонна ускуустуба судаарыстыбаннай акадьыамыйатын бүтэрбитэ.
• 1996 сыллаахтан Былатыан Ойуунускай аатынан Саха тыйаатырыгар үлэлиир.

Айар үлэтэ

Саха тыйаатырыгар айар үлэтин Шекспир "Илиир Хоруолугар" Кэридиэлийэни, Мустай Карим "Ый өлүүтүн түүнүгэр" Забуржат курдук уустук оруоллары оонньоон саҕалаабытыттан, бу күннэргэ дылы таһымын тутан сылдьар. Магдалена Ф. Гарсиа Лорка "Иччитэх дьиэтигэр", Ача Хотун Николай Лугинов "Чыҥыс Хаанын ыйааҕар", Алиман Чингиз Айтматов "Ийэ сиригэр", Анжелика Карл Гоцци "Таба хоруолугар", Антигуона Софокл "Антигуонатыгар". Ордук табыллан саха драматургиятыгар Алампа "Олох дьэбэритигэр" Маайаны, Тимофей Сметанин "Лоокуут уонна Ньургуһун" драматыгар Ньургуһуну, Ойуунускай "Туналҕаннаах ньуурдаах Туйаарыма Куотугар" Туйаарыманы, Иван Гоголев - Кындыл "Дыгын Дарханыгар" Аан Далбары уонна "Наара Суоҕар" Күндү Күлүүгү уо.д. атын оруоллары оонньуур.