Каменскай-Длужик Адам

Каменскай-Длужик Адам — XVII үйэ ортотугар Саха сирин аан бастакыннан ойуулаабыт европеец.

Белоруссия Орша куоратыттан төрүттээх поляк, бытархай шляхтич. Сэрии кэмигэр нууччаларга билиэн түбэспит уонна Сибииргэ көскө ыытыллыбыт. Саха сиригэр 1662 сыллаахха кэлбит. Эдьигээн остуруогар, Алдан өрүс баһыгар, Охуоскай кытылыгар сылдьыбыт. Семен Дежневы, М. Стадухины кытта билсэр эбит. Поляк тылынан Саха сирин айылҕатын туһунан, саххалар олохторун-дьаһахтарын уонна сиэрдэрин-туомнарын суруйбут. Дьокуускайга 1665-1667 сыллаахха олорбут, хаайыыга надзирателлээбит.

Кини ойуулааһыныгар үлүннэрии уонна үһүйээн элбэх, ол эрээри кини суруйуулара Сибиир уонна Саха сирин туһунан бастакы биллэр суруйуулар буолбуттара.