Каракозов Дмитрий Владимирович
Каракозов Дмитрий Владимирович (1842—1866) - революционер, Александр II ыраахтааҕыны өлөрө сатаабыт (1866 с. муус устар 4).
Дворянин. Саратов гимназиятыгар үөрэммит, 1861 с. Казааннааҕы университекка киирбит. 1865 с. Н.А. Ишутин кистэлэн уопсастыбатыгар киирбит, сэниэлээхтик хамсанары модьуйар эбит. 1866 сыл сааһыгар Петербурга барбыт. Манна кистэлэҥ революционнай уопсастыба тэрийиитигэр кыттыбыт. Уопсастыба салайааччыта - кини тастыҥ убайа Н.А. Ишутин. 1866 сыл муус устар ыйыгар ыраахтааҕыны ыппыт ол гынан баран таппатах. Үрдүкү холуобунай суут ыйаан өлөрөргө уураахтаабыт. Онтуката 1866 с. балаҕан ыйын 3 күнүгэр (саҥа истиилинэн 15) толоруллубут.
Уопсастыба атын кыттыылаахтарын тутан ылан Сибииргэ ыыталаабыттара.
Сигэлэр уларыт
Литература уларыт
- Шикман А.П. Деятели отечественной истории. Биографический справочник. Москва, 1997 г.